“அட பாவி…” சினிமா வில்லன்களை மிஞ்சிய நிஜக் கொடூரம்… “என் ரகசிய நண்பன் ஏஐ தான்…” வாங்க கேட்டுத்தான் பண்ண… மூன்று பேர் மரணத்தில் திடுக்கிடும் உண்மை… அதிர்ச்சியில் போலீஸ்…!

பெங்களூருவின் கே.ஆர்.புரம் பகுதியில் கடந்த ஜூன் 22-ல் நடந்த மூன்று பேர் கொலை வழக்கு, குற்றவாளிகள் தங்களது திட்டங்களை நிறைவேற்ற நவீன தொழில்நுட்பங்களை எவ்வாறு தவறாகப் பயன்படுத்துகின்றனர் என்பதற்கு ஒரு சாட்சியாக அமைந்துள்ளது. லிவ்-இன் துணையின் பெற்றோரிடம் வாங்கிய 50 லட்சம் ரூபாயைத் தொழிலில் இழந்து, கடன் தொல்லைக்கு ஆளான 25 வயது கென்னத், தனது கூட்டாளிகளைத் தீர்த்துக்கட்ட திட்டமிட்டுள்ளான். சினிமா திரைப்படங்களை விஞ்சும் வகையில், நேரடியாக வழக்குகளைத் தேடாமல், கற்பனைச் சூழ்நிலைகளைக் கூறி குற்றச் செயல்கள், ரத்தக்கறைகளை நீக்குவது மற்றும் தடயங்களை மறைப்பது குறித்து ஜெமினி ஏஐ சாட்பாட்டிடம் அவன் மறைமுகமாக ஆலோசனை பெற்றுள்ளது விசாரணையில் அம்பலமாகியுள்ளது.

இச்சம்பவத்தில் ஷ்வேதாவின் தாய் முத்துலட்சுமி, தந்தை சோமசுந்தரம் மற்றும் தங்கை சுப்ரியா ஆகியோர் கொடூரமாகக் கொல்லப்பட்டனர். படுகாயமடைந்த நிலையிலும் சோமசுந்தரம் அளித்த மரண வாக்குமூலமும், அக்கம்பக்கத்தினரின் தகவலும் குற்றவாளிகளை விரைந்து பிடிக்க உதவியது. கொலைக்குப் பிறகு புதுச்சேரிக்குத் தப்பிச் சென்ற கென்னத் மற்றும் ஷ்வேதாவை இரண்டு நாட்களில் போலீசார் கைது செய்தனர். அதனைத் தொடர்ந்து மேற்கொள்ளப்பட்ட டிஜிட்டல் தடயவியல் சோதனையில்தான், குற்றவாளி கடந்த சில மாதங்களாக ஏஐ சாட்பாட்டைத் தனது குற்றத் திட்டத்துக்கான ரகசிய ஆலோசகராகப் பயன்படுத்திய அதிர்ச்சித் தகவல் வெளிச்சத்துக்கு வந்தது.

குற்றங்களில் செயற்கை நுண்ணறிவுக்குச் சட்டரீதியான பொறுப்பு இல்லை என்றாலும், திட்டமிடலுக்காக அது எத்தகைய பரிமாணங்களில் பயன்படுத்தப்பட்டுள்ளது என்பதை ஆராய பெங்களூரு போலீசார் தீவிர நடவடிக்கைகளில் இறங்கியுள்ளனர். மேலும், கென்னத்தின் ஏஐ உரையாடல் பதிவுகளை வழங்குமாறு கூகுள் நிறுவனத்திற்கு அவர்கள் அதிகாரப்பூர்வக் கோரிக்கையும் விடுத்துள்ளனர். பணத் தோல்வியும் கடன் சுமையும் உருவாக்கிய இக்கொடூரத் திட்டம், குற்றப் புலனாய்வுத் துறையினருக்கு டிஜிட்டல் யுகத்தில் புதிய மற்றும் சவாலான பரிமாணங்களை நினைவூட்டியுள்ளது.