“சமைப்பதும் சுத்தம் செய்வதும் பெண்களின் வேலையல்ல… அது சோம்பேறித்தனம்…!” இணையத்தைக் கலக்கும் பிரியங்கா சோப்ராவின் அதிரடி கேள்வி…!!

பாலிவுட் நடிகை பிரியங்கா சோப்ரா, வீட்டு வேலைகளைச் செய்வதில் ஆண் – பெண் என்ற பாகுபாடு பார்க்கக்கூடாது என்று வலியுறுத்தியுள்ளார். சமையல் மற்றும் சுத்தம் செய்தல் போன்ற பணிகளை ஒரு பெண்ணின் கடமையாகவோ அல்லது குறிப்பிட்ட பாலினத்திற்குரியதாகவோ கருதக்கூடாது எனக் கூறியுள்ள அவர், இவை ஒரு வயது வந்த மனிதர் செய்ய வேண்டிய அடிப்படை மற்றும் அத்தியாவசியமான வேலைகள் என்று சுட்டிக்காட்டியுள்ளார். மேலும், ஆண்கள் இந்த பொறுப்புகளிலிருந்து விலகி இருப்பதை ‘சோம்பேறித்தனம்’ என்று குறிப்பிட்டதுடன், சோம்பேறித்தனத்தை பாலினத்தோடு குழப்பிக்கொள்ளக் கூடாது என்றும் அவர் தெளிவுபடுத்தியுள்ளார்.

சினிமாத்துறை குறித்து பேசியுள்ள பிரியங்கா, தொழில்நுட்ப வளர்ச்சி மற்றும் டிஜிட்டல் தளங்களின் வருகை காரணமாகத் திரைப்படத் தயாரிப்பு முன்பை விட இப்போது எளிதாக மாறியுள்ளது என்று தெரிவித்துள்ளார். புதிய படைப்பாளிகள் பாரம்பரிய சினிமா கட்டமைப்புகளை மட்டுமே நம்பியிருக்காமல், தங்களுடைய தனித்துவமான யோசனைகளை வீடியோக்களாக மாற்றி நேரடியாக யூடியூப் போன்ற தளங்கள் மூலம் பார்வையாளர்களிடம் கொண்டு சேர்க்க முடியும் என்றும் அவர் விவரித்துள்ளார். இருப்பினும், சினிமாத் தொழில்துறையில் நுழைவது இன்னும் சவாலான ஒன்றாகவே இருக்கிறது என்பதையும் அவர் ஒப்புக்கொண்டுள்ளார்.

தற்போது சினிமாவில் மிகவும் பிஸியாக இருக்கும் பிரியங்கா சோப்ரா, அடுத்தடுத்து பெரிய பட்ஜெட் படங்களில் ஒப்பந்தமாகியுள்ளார். ஹாலிவுட் முன்னணி நடிகை ஏஞ்சலினா ஜோலியுடன் இணைந்து புதிய படம் ஒன்றில் பணியாற்றப் போவதாக அவர் சமீபத்தில் பகிர்ந்துள்ளார். இது தவிர, இந்திய அளவில் பெரும் எதிர்பார்ப்பை ஏற்படுத்தியுள்ள இயக்குனர் எஸ்.எஸ்.ராஜமௌலியின் ‘வாரணாசி’ திரைப்படத்தில், நடிகர்கள் மகேஷ் பாபு மற்றும் பிருத்விராஜ் சுகுமாரன் ஆகியோருடன் இணைந்து பிரியங்கா நடிக்கவுள்ளார் என்பதும் குறிப்பிடத்தக்கது.