என்ன நடந்தது..? “நேற்று மதியம் 1 மணி – மாலை 4.30 மணிக்குள்”.. ஜகதீப் தன்கர் ராஜினாமாவில் சந்தேகத்தை கிளப்பும் காங்கிரஸ்…!!

குடியரசுத் துணைத் தலைவர் ஜெகதீப் தன்கர் தனது பதவியை ராஜினாமா செய்துள்ளார். உடல்நிலையைக் காரணம் காட்டி பதவியில் இருந்து விலகுவதாக குடியரசுத் தலைவருக்கு கடிதம் எழுதியுள்ளார். ஜெகதீப் தன்கரை கடந்த 2022 ஆம் ஆண்டு தேசிய ஜனநாயக கூட்டணியின் வேட்பாளராக  பாஜக அறிவித்து, 2025 வரை துணைக் குடியரசுத் தலைவராகப் பணியாற்றினார். மேலும் 2019 முதல் 2022 வரை மேற்கு வங்க ஆளுநராக இருந்தார். 1990 – 1991 வரை மத்திய இணை அமைச்சராகவும் பணியாற்றினார்.  மேலும் 1993 மற்றும் 1998 க்கு இடையில்  ராஜஸ்தான் சட்டமன்ற உறுப்பினராகவும் இருந்தார் என்பது குறிப்பிடத்தக்கது.

இந்த நிலையில் காங்கிரஸ் பொதுச்செயலாளர் ஜெயராம் ரமேஷ் கூறுகையில், “நேற்று பகல் 12:30 மணிக்கு ஜெகதீப் தன்கர் தலைமையில் மாநிலங்களவை அலுவல் ஆய்வுக் குழு கூட்டம் நடந்தது. அதில்  ஆளுங்கட்சித் தலைவர் நட்டா, நாடாளுமன்ற விவகாரத்துறை அமைச்சர் கிரன் ரிஜுஜூ உள்ளிட்ட மூத்த உறுப்பினர்கள் பங்கேற்றார்கள். மீண்டும் மாலை 4:30 மணிக்கு கூட்டம் கூடிய பொது நட்டா ரஜிஜு அதில் பங்கேற்கவில்லை. அது குறித்த தகவலும் தன்கரிடம் தெரிவிக்கப்படவில்லை. இதனால் அதிருப்தி அடைந்த தன்கர் இன்று பகல் ஒரு மணிக்கு கூட்டத்தை ஒத்திவைத்தார். நேற்று பிற்பகல் ஒரு மணி முதல் மாலை 4:30 மணிக்குள் ஏதோ ஒரு தீவிரமான விஷயம் நடந்துள்ளது. இப்போது யாரும் எதிர்பாராத தன்கர் பதவியை செய்துள்ளார்” என்று கூறியுள்ளார்.