2026 தமிழக சட்டமன்றத் தேர்தல் நெருங்கி வரும் வேளையில், ஆளும் திமுக கூட்டணியில் தொகுதிப் பங்கீடு தொடர்பாகப் பெரும் சலசலப்பு ஏற்பட்டுள்ளது. குறிப்பாக, கடந்த 10 ஆண்டுகளுக்கும் மேலாக நீடித்து வரும் திமுக – காங்கிரஸ் இடையிலான உறவில் தற்போது விரிசல் விழுந்துள்ளதாகத் தெரிகிறது. காங்கிரஸ் கட்சி கூடுதல் தொகுதிகளையும், ஆட்சி அதிகாரத்தில் பங்கையும் கோரி வரும் நிலையில், திமுக தலைமை 25 தொகுதிகளுக்கு மேல் ஒதுக்க முடியாது என்பதில் உறுதியாக உள்ளது. இதனால் இரு கட்சிகளுக்கும் இடையே பனிப்போர் நிலவி வருகிறது.
சமீபத்தில் காங்கிரஸ் மேலிடப் பொறுப்பாளர் கிரிஷ் சோடங்கர் பேசிய கருத்துக்கள் திமுக தலைவர் மு.க. ஸ்டாலினை கடும் கோபத்தில் ஆழ்த்தியுள்ளதாகக் கூறப்படுகிறது. “தமிழக வெற்றிக் கழகம் (தவெக) எங்களை கூட்டணிக்கு அழைத்தது, அவர்கள் ஆட்சி அதிகாரத்தில் பங்கு தருவதாகக் கூறுகிறார்கள்; நாங்கள் ஒன்றும் தொண்டு நிறுவனம் நடத்தவில்லை” என்று அவர் பேசியது, திமுகவுக்கு விடுக்கப்பட்ட எச்சரிக்கையாகப் பார்க்கப்படுகிறது. கூட்டணி தர்மத்தை மீறி மற்றொரு கட்சியுடன் பேரத்தில் ஈடுபடுவதாகக் கருதி, அறிவாலயம் தரப்பு காங்கிரஸ் மீது அதிருப்தியில் உள்ளது.
இந்தச் சூழலைச் சமாளிக்கத் திமுக ஏற்கனவே மாற்றுத் திட்டங்களைத் தயார் செய்துள்ளது. தேமுதிகவை கூட்டணிக்குள் கொண்டு வந்தது முதல், கமல்ஹாசனின் மக்கள் நீதி மய்யம் வரை பல்வேறு கட்சிகளை ஒருங்கிணைத்துத் தனது பலத்தை நிரூபிக்க திமுக முயன்று வருகிறது. காங்கிரஸ் கட்சி அடம் பிடித்தால், அவர்களைக் கழட்டி விட்டுவிட்டுத் தேர்தலைச் சந்திக்கவும் திமுக தலைமைத் தயங்காது என்று அரசியல் பார்வையாளர்கள் கருதுகின்றனர். “இருந்தால் இருங்கள், இல்லையென்றால் வெளியேறுங்கள்” என்ற ரீதியிலான ஸ்ட்ரிக்ட் அணுகுமுறையைத் தற்போது ஸ்டாலின் கையில் எடுத்துள்ளார்.
காங்கிரஸ் மேலிடத் தலைவர்கள் சென்னை வந்து பேச்சுவார்த்தை நடத்தியும் எந்த முடிவும் எட்டப்படாத நிலையில், இன்னும் சில நாட்களில் கூட்டணியில் அதிரடி மாற்றங்கள் நிகழ வாய்ப்புள்ளதாகத் தெரிகிறது. ஒருவேளை காங்கிரஸ் விலகினால், அது தவெக அல்லது அதிமுக கூட்டணியைச் சென்றடைய வாய்ப்புள்ளதா என்ற எதிர்பார்ப்பும் எழுந்துள்ளது. எதுவாக இருந்தாலும், 2026 தேர்தல் களம் தமிழக அரசியலில் ஒரு மிகப்பெரிய கூட்டணி மாற்றத்திற்குச் சாட்சியாக இருக்கப் போகிறது என்பது மட்டும் உறுதி.
தமிழகத்தைச் சேர்ந்த தொழிலதிபர் ஆனந்த், பெங்களூரு எலகங்கா பகுதியில் தனது குடும்பத்துடன் வசித்துக்கொண்டு மக்காச்சோள இயந்திரங்கள் தயாரிக்கும் தொழில் செய்து…
உத்தரப் பிரதேச மாநிலத்தில் பணி நிமித்தமாகக் காவலாளி ஒருவர் இருசக்கர வாகனத்தில் சென்றபோது, அதிவேகமாக வந்த லாரி மோதிப் பரிதாபமாக…
சென்னை நீலாங்கரை, கபாலீஸ்வரர் நகர் தெற்கு 4-வது மெயின் ரோடு பகுதியில், பிறந்து சில மணி நேரங்களே ஆன பச்சிளம்…
வடகொரியா தனது வான் எல்லை பாதுகாப்பை மேலும் பலப்படுத்தும் நோக்கில், மனித உதவியின்றி இலக்குகளைத் தானாகவே துல்லியமாகக் கண்டறிந்து தாக்கும்…
அமெரிக்காவில் கால்பந்து போட்டிக்கு முன்னதாக நடைபெற்ற ராணுவ வான்வழி சாகசத்தின் போது ஹெலிகாப்டர் மிக அருகில் பட்டாசுகள் வெடித்துச் சிதறிய…
மத்தியப் பிரதேசத்தில் மாசடைந்த அஜ்னார் நதியைத் தொடர்ச்சியாகச் சுத்தம் செய்து வந்த பிரபல சுற்றுச்சூழல் ஆர்வலர் பிட்டு தபாஹி, நச்சுநீரால்…