திடீர் பரபரப்பு…. தவெகவுடன் காங்கிரஸ் கூட்டணி… உண்மையைப் போட்டு உடைத்த காங்கிரஸ் தலைவர்…!

தமிழகத்தில் 2026 ஆம் ஆண்டு சட்டமன்றத் தேர்தலை எதிர்கொள்ள தமிழக அரசியல் களம் தயாராகி வருகிறது. அனைத்து கட்சிகளும் கூட்டணி பேச்சுவார்த்தை மற்றும் தேர்தல் பிரச்சாரம் என மும்முறமாக களத்தில் இறங்கி பணியாற்றி வருகின்றன. அதில் முக்கியமாக விஜய் வருகை, திமுக அமைச்சர்கள் மீதான ஊழல் புகார், அதிமுகவில் ஏற்பட்ட பிரிவு ஆகியவை பரபரப்பாகவே உள்ளது. மற்ற கட்சியின் கூட்டணியை விட தமிழக வெற்றிக்கழகம் உடன் யார் கூட்டணி அமைப்பார்கள் என்ற எதிர்பார்ப்பு தான் அதிகமாக உள்ளது. அதிமுக மற்றும் பாஜக கூட்டணியை நிராகரித்த விஜய் நால்வர் அணியுடன் கூட்டணி அமைப்பார் அல்லது காங்கிரஸ் கட்சியின் முன்னாள் தலைவர் ராகுல் விஜய்க்கு மிக முக்கிய என்பதால் காங்கிரசுடன் கூட்டணி அமைப்பார் என்ற பல வியூகங்கள் எழுந்தது.

மேலும் திமுக கூட்டணியில் இருக்கும் காங்கிரஸ் தேர்தல் நெருங்கும் சமயத்தில் திமுக தலைமையிடம் அதிக தொகுதிகள் மற்றும் ஆட்சியில் பங்கை கேட்டு வருகிறது. விஜய் இருக்கும் தைரியத்தில் தான் என கருதப்பட்ட நேரத்தில் அதற்கு காங்கிரஸ் கட்சியின் அகில இந்திய பொதுச் செயலாளர் மாணிக்கம் தாக்கூர் முற்றுப்புள்ளி வைத்துள்ளார். இது தொடர்பாக பேசிய அவர், தமிழக வெற்றி கழகம் கட்சியுடன் காங்கிரஸ் கூட்டணி என்பது வெறும் ஊகங்களாக இருக்கலாம். எங்களைப் பொருத்தவரை திமுக உடனான INDIA கூட்டணி பலமாக உள்ளது என்று தெரிவித்துள்ளார். இவருடைய இந்த பதில் தமிழக வெற்றி கழகம் கட்சியுடன் காங்கிரஸ் கூட்டணி இல்லை என்பதை ஏறத்தாழ உறுதிப்படுத்தி உள்ளது.