வடகிழக்கு பருவமழை எதிரொலி…. அதிகாரிகளுக்கு பறந்த அதிரடி உத்தரவு…. முதல்வர் விஜய் மாஸ் ஆக்ஷன்….!

தமிழகத்தில் வடகிழக்கு பருவமழை தீவிரமடைந்துள்ள நிலையில், சென்னை உள்பட பல்வேறு மாவட்டங்களில் கனமழை பெய்து வருகிறது. நேற்றிரவு சென்னையில் 10 செ.மீ. மழை பதிவாகியுள்ளதால் பல பகுதிகளில் தண்ணீர் தேங்கியுள்ளது. இதனால் பள்ளி மாணவர்களுக்கு விடுமுறை அறிவிக்கப்பட்டுள்ளதுடன், பொதுமக்கள் தேவையின்றி வீட்டைவிட்டு வெளியே வரவேண்டாம் என அறிவுறுத்தப்பட்டுள்ளனர்.

இந்தச் சூழலில், தலைமைச் செயலகத்தில் முதல்வர் விஜய் தலைமையில் மூத்த அமைச்சர்கள், சென்னை மண்டல பொறுப்பு அமைச்சர்கள் மற்றும் உயர் அதிகாரிகளுடன் அவசர ஆலோசனைக் கூட்டம் நடைபெற்று வருகிறது. எல் நினோ ஆண்டு காரணமாக எதிர்வரும் நாட்களில் புயல் மற்றும் காற்றழுத்த தாழ்வு மண்டலங்கள் உருவாக வாய்ப்புள்ளதால், அதற்கான தற்காப்பு நடவடிக்கைகள் குறித்து இக்கூட்டத்தில் தீவிரமாக விவாதிக்கப்பட்டு வருகிறது.

மழைநீர் வடிகால் பணிகள், கால்வாய் சீரமைப்பு மற்றும் நிவாரண முகாம்களின் தயார்நிலை குறித்து அதிகாரிகளிடம் கேட்டறிந்த முதல்வர் விஜய், பொதுமக்களுக்கு பால், குடிநீர், காய்கறிகள் உள்ளிட்ட அத்தியாவசியப் பொருட்கள் தங்கு தடையின்றி கிடைப்பதை உறுதி செய்யுமாறு உத்தரவிட்டுள்ளார். மேலும், பொதுமக்களின் பாதுகாப்பிற்கு முன்னுரிமை அளித்துச் செயல்பட வேண்டுமெனவும் அவர் வலியுறுத்தியுள்ளார்.

முன்னதாக, பெருநகர சென்னை மாநகராட்சியின் ரிப்பன் மாளிகையில் அமைந்துள்ள ஒருங்கிணைந்த கட்டளை மற்றும் கட்டுப்பாட்டு மையத்தை நேரில் பார்வையிட்டு ஆய்வு செய்தார். கட்டுப்பாட்டு அறைக்கு வரும் புகார்களின் மீது உடனடியாக நடவடிக்கை எடுக்குமாறு அறிவுறுத்திய அவர், தொடர் மழையிலும் சிறப்பாகப் பணியாற்றி வரும் அனைத்துத் துறை அலுவலர்களுக்கும் தனது பாராட்டுக்களைத் தெரிவித்தார்.