சினிமாவில் விஜய் சேதுபதியின் புதிய அவதாரம்.. ரசிகர்கள் யாரும் எதிர்பார்க்காத சூப்பர் சர்ப்ரைஸ்..!

தமிழ் சினிமாவில் முன்னணி நடிகர்களில் ஒருவராக கலக்கிக் கொண்டிருப்பவர் தான் நடிகர் விஜய் சேதுபதி. ஹீரோவாக மட்டுமல்லாமல் வில்லன் மற்றும் குணச்சித்திர கதாபாத்திரங்களில் தொடர்ந்து நடித்து வருகிறார். நடித்தால் ஹீரோவாக மட்டும் தான் நடிப்பேன் என்ற எந்த பாரபட்சமும் இவர் காட்டுவதில்லை. தனக்கு ஒரு கதாபாத்திரம் பிடித்து விட்டால் அதை ஏற்று எந்தவோரு ரோலிலும் நடித்து வருகிறார். இறுதியாக வெற்றிமாறன் இயக்கத்தில் விடுதலை 2 திரைப்படத்தில் நடித்திருந்தார். இந்தத் திரைப்படம் ரசிகர்கள் மத்தியில் நல்ல வரவேற்பை பெற்றது. அதே சமயம் விஜய் டிவி ஒளிபரப்பாகி வரும் பிக் பாஸ் நிகழ்ச்சியையும் இவர்தான் தொகுத்து வழங்கி வருகிறார்.

இதனைத் தொடர்ந்து இவருக்கு அடுத்தடுத்து பட வாய்ப்புகளும் கிடைத்த வண்ணம் உள்ளது. துணை நடிகராக இருந்து நாயகனாகி தற்போது பிக் பாஸ் நடுவராக இருக்கும் விஜய் சேதுபதி பாடல் ஆசிரியர் அவதாரத்தை எடுத்துள்ளார். விரைவில் அவருடைய எழுத்தில் உருவாகியுள்ள பாடல் வெளியாக உள்ளது. Rain of Arrows Entertainment சார்பில் தயாரிப்பாளர் சுரேஷ் சுப்பிரமணியன் தயாரிப்பில் இயக்குனர் ராகவ் மிர்தாத் இயக்கத்தில் பிக் பாஸ் புகழ் ராஜு, ஆத்யா பிரசாத் மற்றும் பவ்யா திரிகா ஆகியோர் நடிப்பில் உருவாகியுள்ள திரைப்படம் தான் பன் பட்டர் ஜாம். இந்த படத்தில் நடிகர் விஜய் சேதுபதி பாடல் ஒன்றை எழுதியுள்ளார்.

இதன் மூலம் அவர் தமிழ் சினிமாவில் பாடலாசிரியராக அறிமுகமாகிறார். இந்தப் பாடலை நடிகர் சித்தார்த் பாடியுள்ளார் என்பது மற்றொரு சிறப்பு. நிவாஸ் கே பிரசன்னா இந்த படத்திற்கு இசையமைத்துள்ளார். இதனைத் தொடர்ந்து பாடலாசிரியராக அவதாரம் எடுத்துள்ள விஜய் சேதுபதிக்கு ரசிகர்கள் பலரும் தங்கள் வாழ்த்துக்களை தெரிவித்து வருகிறார்கள்.