பிறந்தநாள் வாழ்த்து சொன்ன மாற்றுத்திறனாளி குழந்தைகள்… மேடையிலேயே கண்ணீர் விட்ட குடியரசுத்தலைவர் திரௌபதி முர்மு… நெகிழ்ச்சி வீடியோ வைரல்..!!

இன்று ஜனாதிபதி திரௌபதி முர்மு  67 வது பிறந்தநாளை கொண்டாடுகிறார். இவருக்கு பிரதமர் மோடி உள்ளிட்ட பலரும் வாழ்த்துக்களை தெரிவித்தார்கள். இவர் 2022 ல் ஜனாதிபதியாக பொறுப்பேற்றார். பழங்குடி சமூகத்தைச் சேர்ந்த முதல் ஜனாதிபதி இவர்தான். காங்கிரஸ் தலைவர் மல்லிகார்ஜுன் கார்கே, மக்களவை எதிர்க்கட்சித் தலைவர் ராகுல் காந்தி, முதல்வர் யோகி ஆதித்யநாத் உள்ளிட்ட பலரும் வாழ்த்துக்கள் தெரிவித்தார்கள்.

இந்நிலையில் டோராடூன் சென்ற முர்முவுக்கு தேசிய மாற்றுத்திறனாளிகள் அதிகாரமளிப்பு  நிறுவனத்தில் கௌரவிக்கப்பட்டது. டேராடூனில் நடைபெற்ற அரசு விழாவில் திரௌபதி முர்முவுக்கு பார்வை மாற்றுத்திறனாளி குழந்தைகள் தங்களது மழலை மொழியில் பாடல் பாடி வாழ்த்தினார்கள். அப்போது மாற்றுத்திறனாளி மாணவிகள் தனக்கு பிறந்தநாள் வாழ்த்து பாடல் பாடியதை கேட்டு ஜனாதிபதி திரௌபதி முர்மு மேடையில் கண்கலங்கினார்.  இந்த வீடியோ இணையத்தில் வைரலாகி வருகிறது.