குழந்தையை வெளியே விளையாட விட்டுவிட்டு… உள்ளே சென்ற தாய்க்கு காத்திருந்த அதிர்ச்சி… திடீரென கேட்ட சத்தம்.. நொடி பொழுதில் நடந்த துயரம்…!

திருவள்ளூர் மாவட்டம் கடம்பத்தூர் அருகே வீட்டின் வரண்டாவில் விளையாடிக் கொண்டிருந்த ஒன்றரை வயது ஆண் குழந்தை தரையோடு இருந்த தண்ணீர் தொட்டி மூழ்கி உயிரிழந்த சம்பவம் அதிர்ச்சியை ஏற்படுத்தியுள்ளது. திருவள்ளூர் மாவட்டம் கம்பத்தூரில் ஈஸ்வரி என்பவர் தன்னுடைய குழந்தையை வீட்டு வராண்டாவில் விட்டுவிட்டு வீட்டுக்குள் சென்று வேலை செய்து கொண்டிருந்தார். அப்போது திடீரென்று குழந்தையின் அலறால் சத்தம் கேட்டதை தொடர்ந்து ஓடி சென்று பார்த்த ஈஸ்வரி தன்னுடைய குழந்தை நீரில் மூழ்கிக் கிடப்பதை கண்டு அதிர்ச்சி அடைந்தார்.

உடனடியாக குழந்தையை மீட்டு அருகில் உள்ள ஆரம்ப சுகாதார நிலையத்துக்கு அழைத்துச் சென்று முதலுதவி அளிக்கப்பட்ட நிலையில் பிறகு திருவள்ளூர் அரசு மருத்துவமனைக்கு மேல் சிகிச்சைக்காக குழந்தை கொண்டு செல்லப்பட்டது. அப்போது செல்லும் வழியிலேயே குழந்தை உயிரிழந்ததாக கூறப்படுகிறது. இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தி வருகிறார்கள்.