“திமுகவின் பரம்பரை சொத்தே ஆபாச வார்த்தைகள்தான்…” ஒருமையில் பேசுகிறார் திமுக தலைவர் ஸ்டாலின்… முதலமைச்சர் விஜய் அதிரடி சாடல்…!!

தாராபுரம் சட்டமன்ற இடைத்தேர்தலையொட்டி, தமிழக வெற்றிக் கழக வேட்பாளர் சத்தியபாமாவை ஆதரித்து நடைபெற்ற தீவிர பிரச்சாரக் கூட்டத்தில் கலந்துகொண்டு பேசிய முதலமைச்சரும் தவெக தலைவருமான விஜய், எதிர்க்கட்சியான திமுகவையும் அதன் தலைவர் மு.க.ஸ்டாலினையும் கடுமையாக விமர்சித்துப் பேசினார்.

தேர்தலில் மக்கள் தங்களைத் தோற்கடித்து வீட்டிற்கு அனுப்பிவிட்ட போதிலும், மு.க.ஸ்டாலின் இன்னும் தான் தான் முதலமைச்சர் என எண்ணிக்கொண்டிருப்பதாக விஜய் சாடினார். மேலும், தமக்கு மன்னராட்சி மனப்பான்மையோ அல்லது அதிகார மமதையோ கிடையாது என்றும், மக்களுக்காகப் பணியாற்றவே அரசியலுக்கு வந்திருப்பதாகவும் அவர் குறிப்பிட்டார்.

தொடர்ந்து பேசிய அவர், மு.க.ஸ்டாலின் தம்மை ஒருமையில் பேசுவதாகவும், திமுகவின் பரம்பரை சொத்தான ஆபாச வார்த்தைகளைப் பயன்படுத்தி விமர்சிப்பதாகவும் குற்றம்சாட்டினார். கூட்டணி ஏஜென்சிகளைக் கொண்டு தம் மீது ஆபாச நதியை ஓடவிட்டாலும், எவ்வளவு தரம் தாழ்த்திப் பேசுகிறார்களோ அவ்வளவுக்கு அவ்வளவு தவெக உயர்ந்துகொண்டே இருக்கும் என்று விஜய்யின் பிரச்சார உரையில் வலியுறுத்தப்பட்டது.