தமிழக முதல்வராகத் தமிழக வெற்றிக் கழகத்தின் தலைவர் விஜய் பதவியேற்று பத்து நாட்களைக் கடந்த நிலையிலும், சென்னை மாநகராட்சி மேயர் பிரியாவும், துணை மேயர் மகேஷ் குமாரும் அவரை நேரில் சந்தித்து வாழ்த்து தெரிவிக்காதது அரசியல் வட்டாரத்தில் பெரும் விவாதத்தைக் கிளப்பியுள்ளது. தவெக தலைவர் விஜய் தலைமையில் புதிய அரசு அமைந்ததைத் தொடர்ந்து, தமிழகத்தின் இருபெரும் திராவிட இயக்கங்களுக்கு மாற்றாக ஒரு புதிய அரசியல் அத்தியாயம் தொடங்கியுள்ளது. சிபிஐ, சிபிஎம், விசிக, ஐயூஎம்எல் ஆகிய கட்சிகள் வெளியிலிருந்து ஆதரவளிக்க, காங்கிரஸ் மற்றும் அதிமுகவின் ஒரு பகுதி எம்எல்ஏ-க்களின் ஆதரவோடு தவெக வரலாற்றுச் சிறப்புமிக்க ஆட்சியை அமைத்துள்ளது. பதவியேற்ற பின் திமுக தலைவர் ஸ்டாலின், பாமக தலைவர் அன்புமணி, நாதக ஒருங்கிணைப்பாளர் சீமான் உள்ளிட்ட பலரையும் சந்தித்து முதல்வர் விஜய் வாழ்த்துக்களைப் பெற்றார்.
மறுபுறம், புதிய தவெக எம்எல்ஏ-க்கள் தங்களது தொகுதிகளில் அரசு அதிகாரிகளுடன் தீவிர ஆலோசனைகளில் ஈடுபட்டு வருகின்றனர். ஆனால், முதல்வர் விஜய் நடத்திய நகராட்சி நிர்வாகம் தொடர்பான முக்கிய ஆலோசனைக் கூட்டத்தில் சென்னை மேயர் பிரியா, துணை மேயர் மகேஷ் குமார் மற்றும் நிலைக்குழு தலைவர்கள் யாரும் பங்கேற்கவில்லை என்பது தற்போதைய பரபரப்புக்கு முக்கியக் காரணமாக அமைந்துள்ளது. கடந்த திமுக ஆட்சிக் காலத்தில் சென்னையில் நடைபெறும் அனைத்து அரசு விழாக்களிலும் முன்வரிசையில் கம்பீரமாக நின்ற மேயர் பிரியா, புதிய முதல்வரை இன்னும் சந்திக்காதது அரசு நிர்வாகங்களுக்கு இடையே சுமுகமான உறவு இல்லையோ என்ற சந்தேகத்தை எழுப்பியுள்ளது.
இந்த விவகாரம் குறித்து மேயர் பிரியா தரப்பில் விளக்கம் அளிக்கப்பட்ட போது, கடந்த மே 4-ஆம் தேதிக்கு முன்பாகத் தனது காலில் ஏற்பட்ட காயத்திற்காக அவர் சிகிச்சை பெற்று வருவதாகவும், இதற்கான விடுப்பு விவரங்களை மாநகராட்சி ஆணையரிடம் முறையாகத் தெரிவித்துள்ளதாகவும் கூறப்பட்டுள்ளது. அதேபோல், துணை மேயர் மகேஷ் குமார் தற்போது வெளிநாட்டில் இருப்பதாகத் தெரிவிக்கப்பட்டுள்ளது. இருப்பினும், சென்னை மாநகராட்சியின் மொத்தமுள்ள 200 வார்டுகளில் 153 கவுன்சிலர்களைக் கொண்டு பெரும்பான்மையுடன் விளங்கும் திமுகவினர், தவெக ஆட்சி அமைந்தது முதலே தங்களின் செயல்பாடுகளில் சற்று சுணக்கம் காட்டி அமைதி காப்பது இந்த மோதல் சந்தேகத்தை மேலும் வலுப்படுத்துவதாக அரசியல் நோக்கர்கள் கருதுகின்றனர்.
சென்னை மாநகராட்சியின் தலைமையகமான ரிப்பன் மாளிகைக்கும், தமிழக அரசின் அதிகார மையமான புனித ஜார்ஜ் கோட்டைக்கும் இடையே இணக்கமான சூழல் நிலவுவது மக்கள் நலத் திட்டங்களைச் தொய்வின்றிச் செயல்படுத்துவதற்கு மிகவும் அவசியமான ஒன்றாகும். அதிகாரிகள் மற்றும் மக்கள் பிரதிநிதிகள் இடையேயான இந்த இடைவெளி நீடித்தால், தலைநகரத்தின் உள்கட்டமைப்பு மற்றும் தினசரிப் பணிகள் பாதிக்கப்பட வாய்ப்புள்ளது. எனவே, நிலவி வரும் அரசியல் சூழல்களைக் கடந்து, மக்கள் நலனை மட்டுமே முதன்மையாகக் கொண்டு இரு தரப்பினரும் விரைவில் சுமுகமாக இணைந்து செயல்பட வேண்டும் என்பதே சென்னை பொதுமக்களின் முதன்மையான எதிர்பார்ப்பாக உள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…