திடீரென தொண்டையில் சிக்கிய மிட்டாய்… 2 வயது சிறுவனை காப்பாற்றிய ரயில்வே போலீஸ்… வைரலாகும் வீடியோ..!!

கோவை மாவட்டம் மேட்டுப்பாளையம் போத்தனூர் இடையே இயங்கி வரும் ரயிலில் நாள்தோறும் பள்ளி, கல்லூரி மாணவர்கள், வேலைக்கு செல்பவர்கள் பயணித்து வருகிறார்கள். இந்த நிலையில் நேற்று ரயிலில் பயணித்த தேவ்  ஆதிரன் என்ற இரண்டு வயது சிறுவன் தவறுதலாக மிட்டாய் சாப்பிட்ட போது அந்த மிட்டாய் தொண்டையிலே சிக்கிக்கொண்டது.

இதனால் சிறுவனுக்கு மூச்சு திணறல் ஏற்பட்டு மயக்கம் வரும் சூழலும் ஏற்பட்டது. அப்போது ரயிலில் பயணித்த ஆர்பிஎப் காவல்துறையினர் துரிதமாக செயல்பட்டு மிட்டாயை அகற்றியுள்ளார்கள். பிறகு சிறுவனை மருத்துவமனைக்கு அழைத்து சென்று சிகிச்சை அளிக்கப்பட்டது. சிறுவனின் தொண்டையில் இருந்து காவலர்கள் மிட்டாய் அகற்றும் வீடியோ இணையத்தில் வைரலாகி வருகிறது. இதற்கு பாராட்டுகளும் குவிந்து வருகிறது.