ஐயோ… விளையாடிக் கொண்டிருந்த சிறுவன்… திடீரென சாலையைக் கடக்க முயன்றபோது… கண் இமைக்கும் நேரத்தில்… நேருக்கு நேர் மோதி நொறுங்கிய பேருந்துகள்… நடுங்கவைக்கும் CCTV காட்சி…!

ஆந்திரப் பிரதேசம், ஸ்ரீ சத்ய சாய் மாவட்டம், மடகசிரா மண்டலம், ஆமிடலா கோண்டி பகுதியில் பள்ளிப் பேருந்தும் கர்நாடக ஆர்.டி.சி பேருந்தும் நேருக்கு நேர் மோதி கோர விபத்து நிகழ்ந்துள்ளது. சாலையோரத்தில் விளையாடிக் கொண்டிருந்த சிறுவன் திடீரென சாலையைக் கடக்க முயன்றபோது, அவனைக் காப்பாற்ற ஆர்.டி.சி பேருந்து ஓட்டுநர் திடீர் திருப்பம் செய்ய முற்பட்டுள்ளார். அப்போது, அந்தத் திசையில் வேகமாக வந்துகொண்டிருந்த பள்ளிப் பேருந்துடன் ஆர்.டி.சி பேருந்து எதிர்பாராதவிதமாக மோதிக் கொண்டது.

இந்த விபத்தில் இரு பேருந்துகளின் ஓட்டுநர்களுக்கும் காலில் பலத்த எலும்பு முறிவு ஏற்பட்டதுடன், பள்ளிப் பேருந்தில் பயணம் செய்த 8 மாணவர்களும் சிறு காயங்களுடன் உயிர் தப்பினர். அதிர்ச்சிகரமாக நிகழ்ந்த இந்தச் சம்பவம் அருகில் இருந்த சிசிடிவி கண்காணிப்பு கேமராக்களில் முழுமையாகப் பதிவாகியுள்ளது. விபத்து குறித்த தகவல் அறிந்ததும், அப்பகுதி மக்கள் உடனடியாக விரைந்து வந்து மீட்புப் பணிகளில் ஈடுபட்டனர்.

https://twitter.com/pulsenewsbreak/status/2094112522353967465/video/1

உடனடியாகக் காயமடைந்த அனைவரும் மீட்கப்பட்டு சிகிச்சைக்காக அருகில் உள்ள மருத்துவமனைக்கு அனுப்பி வைக்கப்பட்டனர். சரியான நேரத்தில் விரைந்த மருத்துவ உதவியால் பெரும் உயிர்ச்சேதம் தவிர்க்கப்பட்டாலும், கண் இமைக்கும் நேரத்தில் நடந்த இந்தச் சம்பவம் அப்பகுதியில் பெரும் பரபரப்பையும் சோகத்தையும் ஏற்படுத்தியுள்ளது.