இந்த காலத்துல இப்படியொரு மனுஷனா..? இருக்கையிலிருந்து கீழே இறங்கிய பேருந்து ஓட்டுநர்… அடுத்து நடந்த நெகிழ்ச்சியான சம்பவம்.. “இவரு கடவுளுக்கு சமம்” வைரல் வீடியோவால் பாராட்டும் இணையாவசிகள்..!!

சிங்கப்பூரில் பேருந்து ஓட்டுநர் ஒருவர் சக்கர நாற்காலியில் இருந்த முதியவர் ஒருவருக்கு உதவிய நெகிழ்ச்சியான வீடியோ இணையத்தில் வைரலாகி வருகிறது. சிங்கப்பூரில் வசிக்கும் ஸ்நேகா (Sneha) என்ற இந்தியப் பெண் இந்த வீடியோவைப் பகிர்ந்துள்ளார். இந்த எளிய ஆனால் மனிதாபிமானமிக்க செயல் பலரது பாராட்டுகளைப் பெற்றுள்ளது.

அந்த வீடியோவில், பேருந்து ஓட்டுநர் தனது வழக்கமான பணியை ஒரு நிமிடம் நிறுத்திவிட்டு, ஓட்டுநர் இருக்கையிலிருந்து கீழே இறங்கி வருகிறார். சக்கர நாற்காலியில் அமர்ந்திருந்த முதியவர் பாதுகாப்பாகப் பேருந்திலிருந்து இறங்குவதற்கு அவர் மிகுந்த கவனத்துடன் உதவுகிறார். எந்தவித அவசரமும் காட்டாமல், முழுமையான அர்ப்பணிப்புடன் அவர் அந்த முதியவரை இறக்கி விடுவது அங்கிருந்த பயணிகளையும் நெகிழ்ச்சியடையச் செய்தது.

“சிங்கப்பூரில் பேருந்து ஓட்டுநர்கள் பேருந்தை நிறுத்தி, கீழே இறங்கி, முதியவர்களுக்கும் சக்கர நாற்காலியில் இருப்பவர்களுக்கும் பாதுகாப்பாக இறங்க உதவுகிறார்கள். இத்தகைய அன்புச் செயல்கள்தான் ஒரு நாட்டை வடிவமைக்கின்றன” என்று ஸ்நேகா தனது பதிவில் குறிப்பிட்டுள்ளார். சமூக வலைதளங்களில் இந்த வீடியோவைப் பார்த்த பலரும், அந்த ஓட்டுநரின் பொறுப்பான செயலைப் பாராட்டி வருகின்றனர்.