அட கொடுமையே… தடுப்புச்சுவரில் மோதி தலைகீழாகக் கவிழ்ந்த பஸ்… நெடுஞ்சாலையில் நடந்த கோர… விபத்தின் திடுக்கிடும் பின்னணி… கேரளாவில் பரபரப்பு…!

கேரளா மாநிலம் மலப்புரம் அருகே உள்ள கோழிக்கோடு – திருச்சூர் நெடுஞ்சாலையில் இன்று காலையில் தனியார் பேருந்து ஒன்று சென்று கொண்டிருந்தது. பேருந்தானது குட்டிப்புரம் பகுதியில் வந்துகொண்டிருந்த போது, எதிர்பாராதவிதமாக ஓட்டுநரின் கட்டுப்பாட்டை இழந்தது. கட்டுப்பாடற்ற பேருந்து, சாலையின் ஓரத்தில் இருந்த தடுப்புச் சுவரில் பலமாக மோதியது.

தடுப்புச் சுவரில் மோதிய வேகத்தில், அந்தப் பேருந்து நிலைகுலைந்து சாலை அருகே நிறுத்தி வைக்கப்பட்டிருந்த கார் ஒன்றின் மீது தலைகீழாகக் கவிழ்ந்து பயங்கர விபத்துக்குள்ளானது. விபத்து நடந்த சத்தம் கேட்டு ஓடிவந்த அப்பகுதி மக்களும், காவல்துறையினரும் உடனடியாக மீட்புப் பணிகளில் ஈடுபட்டனர்.

https://twitter.com/ians_india/status/2081331045908230420/video/1

இந்த கோர விபத்தில் கோழிக்கோட்டைச் சேர்ந்த வைஷ்ணவ் என்ற இளைஞர் சம்பவ இடத்திலேயே பரிதாபமாக உயிரிழந்தார். மேலும், விபத்தில் காயமடைந்த மற்றவர்கள் மீட்கப்பட்டு சிகிச்சைக்காக அருகில் உள்ள மருத்துவமனைக்கு அனுப்பி வைக்கப்பட்டனர். இச்சம்பவம் குறித்து காவல்துறையினர் வழக்குப்பதிவு செய்து விசாரணை நடத்தி வருகின்றனர்.