அப்பா இறந்துட்டார்..! 2-வது மனைவியாக கேட்ட மாமா… ஆபாச வீடியோ எடுத்து பெண்ணுக்கு மிரட்டல்… வசமாக சிக்கிய காமகொடூரன்…!!

கான்பூர் நகரின் சாமன்கஞ்ச் பகுதியில், இளம்பெண் ஒருவரை அவரது தந்தையின் நண்பரே ரகசியமாக வீடியோ எடுத்து மிரட்டிய சம்பவம் பெரும் அதிர்ச்சியை ஏற்படுத்தியுள்ளது. உயிரிழந்த தனது தந்தையுடன் வியாபார ரீதியாகப் பழகி வந்த தௌஃபிக் என்ற ஷானு என்பவரை, அப்பெண்ணும் அவரது குடும்பத்தினரும் மாமா என்றே அன்பாக அழைத்து வந்துள்ளனர். தந்தையின் மறைவிற்குப் பிறகும் இவர்களது வீட்டிற்கு அடிக்கடி வந்து செல்வதை வாடிக்கையாகக் கொண்டிருந்த ஷானு, சுமார் ஒரு மாதத்திற்கு முன்பு அப்பெண் குளிப்பதை அவருக்குத் தெரியாமல் தனது செல்போனில் பதிவு செய்துள்ளார்.

அந்த வீடியோவை அப்பெண்ணின் எண்ணுக்கே அனுப்பி, அதை இணையத்தில் வெளியிடாமல் இருக்க ஐந்து லட்சம் ரூபாய் கேட்டு மிரட்டியுள்ளார். அவ்வளவு பணமில்லை எனப் பயந்துபோன அப்பெண், வேறு வழியின்றி ஒரு தங்க நகையையும் 15 ஆயிரம் ரூபாயையும் கொடுத்துள்ளார். அப்படியிருந்தும் வீடியோவை அழிக்காத ஷானு, தன்னைத் திருமணம் செய்து இரண்டாவது மனைவியாகக் குடும்பம் நடத்தினால் வீடு வாங்கித் தருவதாகவும், தனக்கு முத்தம் தர வேண்டும் என்றும் கூறி தொடர்ந்து பாலியல் ரீதியாகவும் மன ரீதியாகவும் தொந்தரவு செய்துள்ளார்.

இந்தத் தொடர் தொல்லைகளால் மனமுடைந்த அப்பெண், தனது சகோதரர்களிடம் நடந்தவற்றைக் கூறி அழுதுள்ளார். அவர்கள் ஷானுவை தந்திரமாக ஒரு இடத்திற்கு வரவழைத்துப் பிடித்து சாமன்கஞ்ச் காவல் நிலையத்தில் ஒப்படைத்தனர். ஆனால், உள்ளூர் காவல்துறையினர் அவர் மீது தகுந்த நடவடிக்கை எடுக்காமல் சமரசம் பேசி விடுவித்துள்ளனர். அதன் பின்னரும் ஷானுவின் தொந்தரவு தொடர்ந்ததால், வாட்ஸ்அப் மற்றும் ஆடியோ ஆதாரங்களுடன் அப்பெண் காவல் ஆணையரிடம் நேரடியாகப் புகார் அளித்தார். இதனையடுத்து, இந்த வழக்கு உதவி ஆணையர் சிசாமாவிடம் ஒப்படைக்கப்பட்டு தீவிர விசாரணை நடைபெற்று வருவதோடு, குற்றவாளிக்கு ஆதரவாகச் செயல்பட்ட காவலர்கள் மீதும் விசாரணை முடுக்கிவிடப்பட்டுள்ளது.