பேசினது ஒரு குத்தமா?… நொடியில் மாறிய முகம்… கொடூர ரத்த வெறி… நண்பனை பலிவாங்கிய கோடாரி… துடிதுடிக்க நடந்த பகீர் கொலை…!!

தூத்துக்குடி மாவட்டம் கோவில்பட்டி அருகேயுள்ள திட்டங்குளம் பகுதியில் செயல்பட்டு வரும் தினசரி சந்தையில் காளிராஜ் என்பவர் சுமை தூக்கும் தொழிலாளியாகப் பணியாற்றி வந்தார். அதிகாலை வேளையில் சந்தை வளாகத்தில் அவர் தனது நண்பர்களுடன் அமர்ந்து பேசிக்கொண்டிருந்தார். அப்போது சாதாரணமாகத் தொடங்கிய உரையாடல், சிறிது நேரத்தில் ஒருவரையொருவர் நையாண்டி செய்து கேலி பேசும் நிலைக்கு மாறியது.

இந்தக் கேலிப்பேச்சு எல்லை மீறியதால் நண்பர்களுக்கு இடையே கடும் வாக்குவாதம் வெடித்தது. இதில் ஆத்திரமடைந்த அவரது நண்பரான அயோத்தி என்பவர், தான் மறைத்து வைத்திருந்த கோடாரியால் காளிராஜை சரமாரியாக வெட்டினார். இதில் பலத்த வெட்டுக் காயங்களுக்குள்ளான காளிராஜ் ரத்த வெள்ளத்தில் சரிந்து, சம்பவ இடத்திலேயே துடிதுடித்து உயிரிழந்தார்.

தாக்குதலை நடத்திய பின்னர் அயோத்தி அங்கிருந்து தப்பியோடிவிட்டார். சந்தை வளாகத்தில் அதிகாலை நேரத்தில் நடந்த இந்தக் கொடூரச் சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது. இதுகுறித்து வழக்குப் பதிவு செய்துள்ள காவல்துறையினர், தலைமறைவாக உள்ள அயோத்தியைத் தீவிரமாகத் தேடி வருகின்றனர்.