“ஐயோ பாவம்…” நாய்க்கு தீ வைத்து சிரித்து மகிழ்ந்த சிறுவர்கள்… வலியில் துடித்து கொண்டே குட்டிகளிடம் ஓடி வந்த தாய் நாய்…. இணையத்தில் கொந்தளிப்பை ஏற்படுத்திய வீடியோ…!!

சீனாவில் 14 வயதிற்குட்பட்ட நான்கு சிறுவர்கள், தங்களின் கிராமத்தில் வசித்து வந்த நாய் மற்றும் அதன் இரண்டு வாரமே ஆன மூன்று குட்டிகளைத் திட்டமிட்டுத் கொடூரமாகத் தாக்கியுள்ளனர். நாய் மீது தீ வைத்ததோடு, இக்கொடுமையை அவர்கள் காணொளியாகப் பதிவு செய்து சிரித்து மகிழ்ந்ததோடு, “அதன் வாசனை பசியைத் தூண்டுகிறது” என்றும் அநாகரிகமாகக் கூறியுள்ளனர். அக்கிராம மக்கள் அனைவருக்கும் நன்கு அறிமுகமான, பலராலும் உணவளிக்கப்பட்டு வந்த அந்தத் தாய் நாய், வலியால் துடித்தபோதிலும் தனது குட்டிகளைத் தவிக்கவிட்டு ஓடாமல் மீண்டும் மீண்டும் அவற்றிடமே தஞ்சமடைந்துள்ளது. விலங்குகளின் இந்த பாசப் பிணைப்பை அந்தச் சிறுவர்கள் தங்களுக்குச் சாதகமாகப் பயன்படுத்திக் கொண்டு இந்த அத்துமீறலை அரங்கேற்றியுள்ளனர்.

இந்தக் கொடூரச் செயல் சமூக வலைத்தளங்களில் வெளியாகி அந்நாட்டு மக்களிடையே பெரும் கொந்தளிப்பை ஏற்படுத்திய நிலையில், குற்றவாளிகளுக்கான தண்டனை விபரம் தற்பொழுது வெளியாகியுள்ளது. சீன சட்டப்படி 14 வயதிற்குட்பட்டவர்கள் மீது கடுமையான குற்றவியல் நடவடிக்கை எடுக்க முடியாததால், அச்சிறுவர்கள் நடத்தை சீர்திருத்தப் பள்ளிக்கு அனுப்பப்பட்டதோடு, அவர்களின் பெற்றோர்களும் தீவிரக் கண்காணிப்பில் ஈடுபட அறிவுறுத்தப்பட்டுள்ளனர். குற்றவாளிகள் சிதைந்த குடும்பப் பின்னணி மற்றும் மனநலப் பிரச்சினைகளால் பாதிக்கப்பட்டவர்கள் எனச் சிலர் வாதாடிய போதிலும், இந்த லேசான தண்டனையை ஏற்க மறுத்து ஒட்டுமொத்தப் பொதுமக்களும் தங்களின் கடுமையான எதிர்ப்புகளையும் கண்டனங்களையும் பதிவு செய்து வருகின்றனர்.