“தனியாக சந்திக்கலாம் வா” நள்ளிரவில் வீட்டைவிட்டு சென்ற காதலி… காரில் குடும்பத்தோடு வந்து இறங்கிய காதலன்… ஈவு இரக்கமின்றி நடந்த சம்பவம்..!!

உத்தரபிரதேச மாநிலம் லக்னோவின் லௌலாய் சின்ஹாட்டில் வசிக்கும் ஜான்பூர் மாவட்டத்தைச் சேர்ந்த அக்ஷிதா சிங், பால்ராம்பூர் மாவட்டத்தைச் சேர்ந்த ராஜ்வர்தன் என்ற இளைஞருடன் காதல் வயப்பட்டுள்ளார். இருவரும் திருமணம் செய்து கொள்ள விரும்பினர், ஆனால் ராஜ்வர்தன் மற்றும் அவருடைய குடும்பத்தினரும் இந்த உறவில்  விருப்பமில்லை என்று கூறப்டுடுகிறது. இந்நிலையில் சம்பவத்தன்று காதலன் ராஜ்வர்தன் காதலி அக்ஷிதா சிங்கை ஒரு தாபாவில் சந்திக்க அழைத்தார். இதனால் காதலி அக்ஷிதா சிங் புதன்கிழமை இரவு 12:30 மணிக்கு ராம்நகர் காவல் நிலையப் பகுதியில் உள்ள ராயல் தாபாவை அடைந்தார்.

சிறிது நேரத்திற்குப் பிறகு, காதலன் ராஜ்வர்தன் தனது சகோதரர் கவுரங் மற்றும் சகோதரி நிஷியுடன் காரில் அங்கு வந்தார். அவர்கள் தாபாவை அடைந்தவுடன், மூவரும் அக்ஷிதாவை ஈவு இரக்கமின்றி அடிக்கத் தொடங்கினர். தனது காதலனின் அழைப்பின் பேரில் வந்த காதலியை, அவரது காதலன் மற்றும் அவரது குடும்பத்தினர் கொடூரமாக தாக்கினர்.  இந்த சம்பவம் சிசிடிவி கேமராவில் பதிவாகியுள்ளது. காதலியின் புகாரின் பேரில், குற்றம் சாட்டப்பட்ட காதலன், அவரது சகோதரர் மற்றும் சகோதரி மீது போலீசார் வழக்குப் பதிவு செய்து விசாரணையைத் தொடங்கியுள்ளனர்.