சூர்யா படத்தில் மகளை களமிறக்கும் போனி கபூர்… தமிழ் படத்தில் அல்ல.. ஹிந்தி படத்தில்..

எதற்கும் துணிந்தவன் படத்தை தொடர்ந்து கிட்டத்தட்ட ஒன்றரை வருடங்களாக சூர்யாவின் படங்கள் வெளிவராமல் உள்ளது. இந்த ஒன்றரை வருடங்களாக சிறுத்தை சிவாவின் இயக்கத்தில் பிரம்மாண்டமாக உருவாகும் கங்குவா படத்தில் நடித்து முடித்திருக்கிறார் சூர்யா. 10 மொழிகளில் வெளியாக இருக்கும் இப்படத்தின் படப்பிடிப்பு முடிந்து போஸ்ட் புரொடக்‌ஷன் பணிகள் விறுவிறுப்பாக நடைபெற்று வருகிறது. இப்படத்திற்கு பிறகு சுதா கொங்கரா இயக்கத்தில் நடிக்கும் படத்தில் நடிக்க இருப்பதாக தகவல்கள் வெளியாகியுள்ளன.

இதற்கிடையில் நேரடியாக ஹிந்தி படத்தில் சூர்யா நடிக்க இருப்பதாக தகவல் வெளியாகியுள்ளது. பாலிவுட் இயக்குநர் ​​ராகேஷ் ஓம்பிரகாஷ் மெஹ்ரா இயக்கத்தில் சூர்யா ஒரு படத்தில் நடிக்கவுள்ளதாக கூறப்படுகிறது. Rang de basanti 6, bhaag milkha bhaag போன்ற வெற்றிப் படங்களை இயக்கியவர் ஓம்பிரகாஷ் மெஹ்ரா. இவர் மகாபாரதத்தை அடிப்படையாகக் கொண்டு இயக்க இருக்கும் படத்தில் தான் சூர்யா நடிக்க இருக்காராம். மகாபாராத கதையில் வரும் கர்ணன் கேரக்டரை மையப்படுத்தி இரண்டு பாகங்கள் கொண்ட படமாக இது உருவாகும் என தகவல் வெளியாகியுள்ளது.

பான் இந்தியா படமாக உருவாகும் இப்படத்தில் நடிக்க பாலிவுட் நடிகர், நடிகைகள் போட்டிப் போட்டுக் கொண்டிருக்கும் வேளையில், இயக்குநரின் பார்வை நடிகர் சூர்யா மீது விழுந்துள்ளது. 500 கோடி ரூபாய் பட்ஜெட்டில் உருவாகும் இப்படத்தில் நடிகர் சூர்யாவுடன் பாலிவுட் நடிகை ஜான்வி கபூரும் நடிக்க இருப்பதாக கூறப்படுகிறது. இப்படத்தின் படப்பிடிப்பு அடுத்த மாதம் 15-ம் தேதியில் இருந்து இப்படத்தின் படப்பிடிப்பு தொடங்க இருப்பதாகவும், முதற்கட்ட படப்பிடிப்பை விரைவில் தொடங்கி முடிக்க இருப்பதாக தகவல் வெளியாகியுள்ளது.