“ஷாக்.. 4 மாதங்களாக ரகசிய பனி அறையில் இருந்த உடல்கள்…! – ஈரான் உச்ச தலைவரின் இறுதிச்சடங்கில்… உலகையே உலுக்கிய அந்த ஒரு சவப்பெட்டி…!!”

கடந்த பிப்ரவரி 28 அன்று அமெரிக்க மற்றும் இஸ்ரேலியப் படைகள் இணைந்து நடத்திய வான்வழித் தாக்குதலில் ஈரானின் உச்ச தலைவர் அயதுல்லா அலி காமேனி, அவரது மூத்த மகள், மருமகன், மருமகள் மற்றும் 14 மாதப் பேத்தி ஜஹ்ரா உட்பட பல குடும்ப உறுப்பினர்கள் கொல்லப்பட்டனர். இச்சம்பவத்தைத் தொடர்ந்து இரு நாடுகளுக்கும் இடையே ஏற்பட்ட கடுமையான போர் பதற்றம் மற்றும் மோதல்கள் காரணமாக, இவர்களது உடல்கள் கடந்த நான்கு மாதங்களாக ஒரு ரகசிய குளிரூட்டப்பட்ட அறையில் பாதுகாப்பாக வைக்கப்பட்டிருந்தன. தற்போது இருதரப்புக்கும் இடையே பேச்சுவார்த்தைகள் தொடங்கி பதற்றம் தணிந்துள்ள நிலையில், நேற்று தலைநகர் தெஹ்ரானில் இவர்களது இறுதிச் சடங்கு நிகழ்வுகள் அதிகாரப்பூர்வமாகத் தொடங்கியுள்ளன.

தற்போது பொதுமக்களின் அஞ்சலிக்காக தெஹ்ரானில் உள்ள ‘இமாம் கமேனி கிராண்ட் மொசல்லா’ வளாகத்தில் இவர்களது உடல்கள் வைக்கப்பட்டுள்ளன. அங்கு அஞ்சலி செலுத்தத் திரண்ட ஆயிரக்கணக்கான மக்களை, காமேனியின் 14 மாதப் பேத்தியான ஜஹ்ரா முகமது கோல்பயேகானியின் சிறிய சவப்பெட்டி பெரும் சோகத்தில் ஆழ்த்தியதுடன், பார்ப்போரின் நெஞ்சை உலுக்கியெடுத்தது. ஈரான் தேசியக் கொடி போர்த்தப்பட்டு வைக்கப்பட்டிருந்த அந்தப் பிஞ்சுச் குழந்தையின் சவப்பெட்டி, போரின் கொடூரத்தையும் அது ஏற்படுத்தும் மனிதப் பேரழிவின் துயரத்தையும் உலகிற்கு மௌனமாகப் பறைசாற்றுவதாக அங்கிருந்தவர்கள் கண்ணீருடன் நெகிழ்ந்து கூறினர்.

தலைநகர் தெஹ்ரானில் பொதுமக்கள் அஞ்சலி நிறைவடைந்ததைத் தொடர்ந்து, இவர்களது உடல்கள் நாட்டின் பல்வேறு முக்கிய நகரங்களுக்கு ஊர்வலமாக எடுத்துச் செல்லப்படவுள்ளன. அதனைத் தொடர்ந்து, ஒட்டுமொத்த இறுதிச் சடங்குகளும் முறைப்படி முடிக்கப்பட்டு, வரும் ஜூலை 9ஆம் திகதி உச்ச தலைவர் காமேனியின் சொந்த ஊரான மஷ்ஹாத் நகரில் இவர்களது உடல்கள் நல்லடக்கம் செய்யப்பட உள்ளதாக ஈரான் அரசுத் தரப்பில் தெரிவிக்கப்பட்டுள்ளது.