இந்தா வந்துட்டாருல்ல.. விஜய் ஆண்டனியை க்ளோஸ் பண்ணிய ப்ளூ சட்டை மாறன்.. மழை பிடிக்காத மனிதன் Review..!!

விஜய் மில்டன் இயக்கத்தில் விஜய் ஆண்டனி நடித்த மழை பிடிக்காத மனிதன் திரைப்படம் நேற்று ரிலீசானது. இந்த படத்தில் மேகா ஆகாஷ், சரத்குமார், சத்யராஜ் உள்ளிட்டோர் முக்கிய கதாபாத்திரத்தில் நடித்துள்ளனர். பெரும்பாலும் விஜய் ஆண்டனி நடிக்கும் படங்கள் குறித்து ப்ளூ சட்டை மாறன் நெகட்டிவ் விமர்சனங்களை தான் கொடுப்பார். ஏற்கனவே ரோமியோ படத்தை பற்றி புளூ சட்டை மாறன் விமர்சனம் செய்தார். அதற்கு விஜய் ஆண்டனி பதிலடி கொடுத்தார். அந்த விவகாரம் சர்ச்சையை ஏற்படுத்தியது. இந்த நிலையில் மழை பிடிக்காத மனிதன் குறித்து ப்ளூ சட்டை மாறன் கூறியதாவது, படத்தில் ஒரு மந்திரியோட பையன் போதை பொருள் கடத்துறான்னு சொல்லி ஹீரோ அவரை கொன்னுடுறாரு.

அதற்கு பழிவாங்குறதுக்காக மந்திரி ஹீரோவை கொலை பண்ண முயற்சி பண்றான். அந்த தாக்குதல் ஹீரோவோட மனைவி இறந்துடுறாங்க. விஜய் ஆண்டனி படுகாயம் அடைந்து விட்டார். இந்த வழக்கை முடிப்பதற்காக சரத்குமார் விஜய் ஆண்டனி இறந்து விட்டார் என கூறுகிறார். மேலும் அவர் விஜய் ஆண்டனியை காப்பாற்றுவதற்காக அவரை அந்தமான் தீவிற்கு அழைத்து செல்கிறார். அங்கு ஒரு கந்துவட்டி கும்பலை சேர்ந்தவர்கள் மக்களை கொடுமை படுத்துகின்றனர்.

அப்போது ஹீரோ வெளியே வந்து அதனை தட்டி கேட்டு என்ன நடக்கப்போகிறது என்பதுதான் மீதி கதை. கதை என்னன்னு சரியா தெரியல. கதையை சரியாக கூட திரையில் சொல்லாமல் சொதப்பலா எடுத்து வச்சிருக்காங்க. படத்துல ஹீரோ கேரக்டரை எதுக்காக காப்பாத்தி வச்சாங்கன்னு தெரியல. எந்த ஒரு கேரக்டரும் சரியா எடுக்கல. படம் முழுக்க ஆர்டிபிசியலா தான் இருக்கு. அந்தமானில் இருக்கிற மால் மாதிரி காமிச்சி இருக்காங்க. ஆனா அது இங்கே இருக்க மால்தான்னு படம் பாக்குறவங்களுக்கு தெரியாதா. ரொம்ப சீட் பண்ணி படம் எடுத்து இருக்காங்க.

படத்துக்கு எதுக்கு மழை பிடிக்காத மனிதன் என்று பெயர் வைத்தார்கள் என்று தெரியல. நம்ம எப்படி படத்தை பார்த்துட்டு படம் பிடிக்காத மனிதர்களாக ஆகிவிட்டோமோ அதே மாதிரி தான் அந்த பேரையும் வச்சிருப்பாங்கன்னு நினைக்கிறேன். விஜய் ஆண்டனி எனக்கு எல்லா வேலையும் தெரியும்னு அவர்தான் எல்லாத்தையும் பண்ணி படத்தைக் கெடுத்து வெச்சி இருக்காரு. இந்த விமர்சனத்தை பார்த்துட்டு விமர்சனம் பிடிக்காத மனிதனா விஜய் ஆண்டனி மாறிவிடுவார். அப்புறம் அன்பே சிவம், குணா போல இந்த படத்தை ஆக்கி விடாதீர்கள் என்று கமெண்ட் அடிச்சு அந்த நல்ல படங்களின் பெயர்களையும் கெடுத்து விடுவார் என கடைசியாக ப்ளூ சட்டை மாறன் வாய்ஸ் ஓவரில் பேசியுள்ளார்.