அதிர்ச்சி… நகத்தில் தோன்றும் இந்தச் சிறிய கருப்புக் கோடு… ஆபத்தான புற்றுநோயின் அறிகுறியா?… மருத்துவர் விடுக்கும் பரபரப்பு எச்சரிக்கை…!

உலகளவில் இதய நோயும் புற்றுநோயும் அதிக உயிரிழப்புகளை ஏற்படுத்துகின்றன. மருத்துவத் துறை பல முன்னேற்றங்களைக் கண்டிருந்தாலும், நோய்களை ஆரம்ப நிலையிலேயே கண்டறியாமல் புறக்கணிப்பதே பெரும்பாலான உயிரிழப்புகளுக்கு முக்கிய காரணமாக அமைகிறது. இன்றைய நவீன வாழ்க்கை முறை மற்றும் உணவுப் பழக்கவழக்கங்களால் ஏற்படும் சில சாதாரண உடல்நலப் பிரச்சனைகள் கூட, ஆபத்தான நோய்களின் தொடக்கப் புள்ளியாக இருக்கலாம் என்பதால் விழிப்புணர்வுடன் இருப்பது அவசியமாகும்.

அமெரிக்க தோல் மருத்துவர் டாக்டர் லின்ட்சே ஜூப்ரிட்ஸ்கி, ‘சப்யூங்குவல் மெலனோமா என்ற அரிய வகை தோல் புற்றுநோய் குறித்து எச்சரித்துள்ளார். விரல் நகங்களில் தோன்றும் கருமையான கோடுகள் இதன் அறிகுறியாக இருக்கலாம். நகத்தில் அடிபடுவதாலும் கோடுகள் உருவாகலாம் என்றாலும், அவை நகம் வளரும்போது தானாகவே மறைந்துவிடும். ஆனால், நீண்ட நாட்களாக மறையாத கருப்புக் கோடு, மெதுவாக அகலமாவது, நகத்தைச் சுற்றிய தோல் கருப்பாவது, நகம் பிளவுபடுதல், வலி, வீக்கம், இரத்தக்கசிவு மற்றும் நகம் நகப்படுக்கையிலிருந்து பிரிவது போன்றவை இதன் முக்கிய அறிகுறிகளாகும்.

https://www.instagram.com/reel/C7B7f8ArV1e/?utm_source=ig_web_button_share_sheet

நகங்களில் இதுபோன்ற சந்தேகத்திற்குரிய மாற்றங்களைக் கண்டால், அதைச் சாதாரணமாக எடுத்துக்கொள்ளாமல் உடனடியாகத் தோல் மருத்துவரை அணுகி உரிய பரிசோதனைகளைச் செய்துகொள்ள வேண்டும். எந்தவொரு நோயையும் ஆரம்பத்திலேயே கண்டறிந்தால் மட்டுமே சிகிச்சைகள் முழு பலன் அளிக்கும். எனவே, நகங்களில் தோன்றும் சிறிய மாற்றங்கள் குறித்தும் அலட்சியமாக இருக்காமல் விழிப்புடன் செயல்படுவது மிகவும் முக்கியமாகும்.