“பிஜேபிக்கு டஃப் கொடுக்கும் சிஜேபி”…. இறுமாப்போடு இருந்த பாஜக பணிந்துவிட்டது… அமித்ஷா, மோடிக்கு திருமாவளவன் வைத்த மரண சட்டை….!

மத்திய கல்வி அமைச்சர் தர்மேந்திர பிரதானின் ராஜினாமாவைத் தொடர்ந்து, நாடு தழுவிய அளவில் அரசியல் களம் சூடுபிடித்துள்ளது. இதற்கிடையே, கரப்பான் ஜனதா கட்சியின் தீவிர போராட்டத்தைக் குறிப்பிட்டு, விசிக தலைவர் திருமாவளவன் பாஜகவுக்கு எதிராகப் பேசியுள்ள கருத்துக்கள் பெரும் கவனத்தைப் பெற்றுள்ளன. “யாராலும் அழிக்க முடியாது என்று இறுமாப்போடு இருந்த பாஜகவின் ஆட்சியாளர்கள், இன்று பணிந்து, சரணடையும் நிலைக்குத் தள்ளப்பட்டுள்ளனர்” என்று சாடிய அவர், இது புதிய வரலாற்றுத் திருப்பம் என்று சுட்டிக்காட்டியுள்ளார்.

தொடர்ந்து மூன்றாவது முறையாக வெற்றி பெற்று, தங்களுக்கு எதிரிகளே இல்லை என்றும், காங்கிரஸ் மற்றும் மாநிலக் கட்சிகள் பலவீனமடைந்துவிட்டன என்றும் மமதையில் இருந்த பாஜகவுக்கு காலம் தக்க தீர்ப்பை வழங்கியுள்ளதாக திருமாவளவன் குறிப்பிட்டார். அரசியலில் நாம் தீர்மானிக்கும் எதிரிகளால் தான் தோல்வி வரும் என்பதில்லை; நாம் எதிர்பார்க்காத சக்திகளாலும் வீழ்ச்சி ஏற்படலாம் என்பதற்கு இந்நிகழ்வே சான்று என்றார். தமிழகத்தில் திமுக, அதிமுக தவிர்த்து மூன்றாவது கட்சி ஆதிக்கம் செலுத்தியது போல, தேசிய அளவில் பாஜகவை வீழ்த்தியதில் இளைஞர்களின் சக்தி முக்கியப் பங்கு வகித்துள்ளதை அவர் கோடிட்டுக் காட்டினார்.

குறிப்பாக, வேலையில்லா இளைஞர்களையும் சமூக ஊடகப் பயனாளர்களையும் ‘கரப்பான் பூச்சிகள்’ என அலட்சியமாகப் பேசியவர்களுக்கு, இளைஞர்கள் ஒருங்கிணைந்து பதிலடி கொடுத்துள்ளதாக திருமாவளவன் பேசினார். “நீ பிஜேபி என்றால் நாங்கள் சிஜேபி” என்று உச்சநீதிமன்ற தலைமை நீதிபதியின் பெயரால் திரண்ட இளைஞர் சக்தி, ஒன்றிணைந்தால் நாடாளுமன்ற கட்டிடத்தையே புரட்டிப் போட முடியும் என்பதை நிரூபித்துக் காட்டியிருப்பதாகத் தெரிவித்தார். இப்போராட்டம் யாருக்குப் புகழையோ அல்லது அரசியல் லாபத்தையோ தருகிறது என்பதைத் தாண்டி, ஆட்சியாளர்களின் அதிகாரச் செருக்கிற்கு விழுந்த பலத்த அடியாகவே பார்க்கப்படுகிறது.