யாரும் எதிர்பார்க்காத ட்விஸ்ட்…. “தமிழகத்தை ஆள்வது விஜய் இல்லை… பாஜக தான்”…. ஆளூர் ஷாநவாஸ் உடைத்த பகீர் உண்மை….!

தமிழகத்தில் ஆளுநர் மாளிகைக்கும் மாநில அரசுக்கும் இடையே தொடர்ந்து நீடித்து வரும் முரண்பாடுகளுக்கு மத்தியில், விடுதலைச் சிறுத்தைகள் கட்சியின் மாநில முதன்மைச் செயலாளரும் நாகப்பட்டினம் சட்டமன்ற உறுப்பினருமான ஆளூர் ஷா நவாஸின் சமீபத்திய பேட்டி அரசியல் களத்தில் பெரும் விவாதத்தைக் கிளப்பியுள்ளது. தனியார் செய்தி ஊடகம் ஒன்றிற்கு அவர் அளித்த பேட்டியில், தற்போதைய சூழலில் தமிழகத்தை மறைமுகமாக பாஜகதான் ஆட்சி செய்கிறது என்று பகிரங்கமாகக் குற்றம் சாட்டியுள்ளார்.

பாஜகவின் கைப்பாவையாகச் செயல்படும் தேர்தல் ஆணையத்தால் நியமிக்கப்பட்ட தலைமைச் செயலாளரை இதுவரை மாற்றாதது ஏன் என்றும், மூத்த அதிகாரி சாய்குமாரின் பணிக்காலத்தை நீட்டித்ததன் பின்னணியில் பெரும் சந்தேகம் உள்ளது என்றும் அவர் கேள்வி எழுப்பியுள்ளார். அனைத்துத் துறைகளிலும் பல்வேறு மாற்றங்களைச் செய்த அரசு, சாய் குமார் விஷயத்தில் மட்டும் ஏன் அமைதி காக்கிறது என்று சாடிய அவர், தமிழ்நாட்டின் நலன் மீது உண்மையான அக்கறை கொண்ட தலைவர்கள் புறக்கணிக்கப்பட்டு ‘டம்மி’ ஆக்கப்படுவதாக வேதனை தெரிவித்துள்ளார்.

விசிக மூத்த தலைவரின் இந்த அதிரடி விமர்சனம், தமிழகத்தின் முக்கிய எதிர்க்கட்சிகள் மற்றும் வரவிருக்கும் கூட்டணி கணக்குகளில் பெரும் சலசலப்பை ஏற்படுத்தியுள்ளது. குறிப்பாக, தமிழக வெற்றிக் கழகத்தின் கூட்டணி தொடர்பான அரசியல் வியூகங்களில் இந்த அறிக்கை புதிய விவாதங்களை உருவாக்கியுள்ளது. ஆளுநர் ஷா நவாஸின் இந்தத் தொடர் குற்றச்சாட்டுகள், ஆளுநர் மாளிகையின் செயல்பாடுகள் மீதான விமர்சனத்தை கடந்து, மாநில அரசின் நிர்வாக ரீதியான முடிவுகள் மற்றும் அதிகாரிகளின் பணி நீட்டிப்பு தொடர்பான சந்தேகங்களையும் வெளிச்சத்திற்கு கொண்டு வந்துள்ளது. இவரின் இந்த வெளிப்படையான பேச்சு, தமிழக அரசியல் வட்டாரத்தில் புதிய அதிர்வலைகளை ஏற்படுத்தியிருப்பதோடு, ஆளும் அரசுக்கும் கூட்டணி கட்சிகளுக்கும் இடையே புதிய அரசியல் சவால்களை முளைக்கச் செய்துள்ளது.