இதுவரை வெளிவந்து செல்லுபடியாகாத 5 பயோபிக்.. அப்போ இளையராஜாவோட நிலைமை கேள்விக்குறி தானா..?

தமிழ் சினிமாவில் காதல் திரைப்படங்களுக்கும், ஆக்சன் திரைப்படங்களுக்கும் ரசிகர்கள் மத்தியில் நல்ல வரவேற்பு கிடைத்து வருகிறது .ஆனால் ஒரு சில பெரியோர்களின் வாழ்க்கை வரலாற்று படங்களும் அவ்வப்போது திரையில் ரிலீசாகின்றன. ஆனால் அந்த படங்களுக்கு அவ்வளவாக வரவேற்பு கிடைப்பதில்லை. அப்படி திரையரங்குகளில் வெளியாகி தோல்வி அடைந்த 5 வரலாற்று படங்களை பற்றி இந்த தொகுப்பில் நாம் பார்க்கலாம்.

ராக்கெட்ரி- நம்பி விளைவு:

இஸ்ரோவில் பணியாற்றிய விண்வெளி ஆராய்ச்சியாளர் நம்பி நாராயணின் வாழ்க்கை வரலாற்றை அடிப்படையாகக் கொண்டு உருவாகிய திரைப்படம் ‘ராக்கெட்ரி: நம்பி விளைவு’. இந்தப் படத்தை நடிகர் மாதவனே நடித்து இயக்கியுள்ளார். இந்தப் படத்தின் மூலம் நடிகர் மாதவன் இயக்குநராக அறிமுகமாகிறார். இஸ்ரோவின் முன்னாள் விஞ்ஞானி நம்பி நாராயணன், ராக்கெட் தொழில்நுட்பத்தை வெளிநாட்டுக்கு விற்றதாக, 1994-ல் கேரள காவல் துறையினரால் கைது செய்யப்பட்டார்.

இதுதொடர்பான வழக்கில் நம்பி நாராயணன் நிரபராதி என உச்ச நீதிமன்றம் தீர்ப்பளித்தது. இதன் பின்னணியில் உள்ள உண்மையை வெளிப்படுத்தும் கதையாக இத்திரைப்படம் உருவாக்கப்பட்டது. இந்தி, தமிழ், ஆங்கிலம், கன்னடம், மலையாளம் உள்ளிட்ட 5 மொழிகளில் இப்படம் ரிலீசானது. நடிகர் மாதவன், நம்பி நாராயணனாக நடிக்க சிம்ரன், பிலிஸ் லோகன், வின்சென்ட் ரியோட்டா, ரான் டொனைச்சே , ரஜித் கபூர், ரவி ராகவேந்திரா, மிஷா கோஷல், குல்ஷன் குரோவர், கார்த்திக் குமார் உட்பட பலர் இத்திரைப்படத்தில் நடித்திருந்தனர்.

ராமானுஜம்:

இயக்குனர் ஞானராஜசேகரன் இயக்கத்தில் கணிதமேதை ராமானுஜன் அவர்களின் வாழ்க்கையை பயோபிக் படமாக்கப்பட்டது. இத்திரைப்படத்தில் கணிதமேதை ராமானுஜன் கதாபத்திரத்தில் ஜெமினி கணேசன் மற்றும் சாவித்திரியின் பேரனான பிக் பாஸ் புகழ் அபினய் நடித்திருந்தார். தமிழ், ஆங்கிலம் இரு மொழிகளிலும் வெளியான இத்திரைப்படம் தமிழ் மாநில விருதை வென்றது குறிப்பிடத்தக்கது.

காமராஜ்:

தமிழ்நாட்டை ஆண்ட முதலமைச்சர்களுள் குறிப்பிடத்தக்க ஒருவராக கருதப்படுபவர், பெருந்தலைவர் காமராஜர். தமிழகத்தை ஒன்பது ஆண்டு காலம் ஆட்சிசெய்த இவருடைய காலம், தமிழக அரசியல் வரலாற்றில் “பொற்காலமாக” கருதப்படுகிறது. பள்ளிக்குழந்தைகளுக்கு இலவச மதிய உணவு திட்டத்தினை ஏற்படுத்தி, ஏழை எளிய மக்களின் கல்வியில் முன்னேற்றத்தினை ஏற்படுத்தினார். இவரின் வாழ்க்கை வரலாறு திரைப்படமாக எடுத்த போது, அதில் காமராஜராக எம் எஸ் பாஸ்கர் நடித்திருந்தார்.

தலைவி:

மறைந்த முன்னாள் முதல்வர் ஜெயலலிதாவின் வாழ்க்கை வரலாற்றை அடிப்படையாகக் கொண்டு உருவான படம் ‘தலைவி’. ஏ.எல்.விஜய் இயக்கிய இப்படத்தில் ஜெயலலிதா கதாபாத்திரத்தில் கங்கணா ரணாவத் நடித்திருந்தார். இவருடன் அரவிந்த்சாமி, மதுபாலா, சமுத்திரக்கனி உள்ளிட்ட பலர் முக்கியக் கதாபாத்திரங்களில் நடித்திருந்தனர். இத்திரைப்படத்தை அவரது தொண்டர்கள் கொண்டாடி தீர்த்தனர்.

பெரியார்:

பெரியாரின் வாழ்க்கை வரலாற்றை மையமாக வைத்து 2007 ஆம் ஆண்டு வெளியிடப்பட்ட தமிழ்த் திரைப்படம் ‘பெரியார் ‘இப்படத்தில் பெரியாராக சத்யராஜ் நடித்தார். ஞான ராஜசேகரன் இப்படத்தை இயக்கியுள்ளார். வித்யாசாகர் இசையமைத்திருந்தார்.  இப்படத்தை லிபர்டி கிரியேஷன்ஸ் சார்பில் கோ.சாமிதுரை தயாரித்தார்.இப்படத்தில் மணியம்மையாக நடிகை குஷ்பூ மற்றும் நாகமாலாவாக ஜ்யோதிர்மயி நடித்திருந்தனர் . பல சர்ச்சைகளுக்கு பின் வெளியான பெரியார் எதிர்பார்த்த தாக்கத்தை ஏற்படுத்தவில்லை.

இந்நிலையில் இளையராஜாவின் (பயோபிக்) வாழ்க்கை வரலாற்றை எடுக்க இருப்பதாகவும், அதனை இளையராஜாவே  தயாரிக்க இருப்பதாகவும் கூறப்படுகிறது இத்திரைப்படத்தை கேப்டன் மில்லர் திரைப்படத்தின் இயக்குனர் எடுக்க இருப்பதாகவும் கூறப்படுகிறது. இதேபோன்று ராமதாஸ் அவர்களின் வாழ்க்கை வரலாற்று திரைப்படத்தில் பிரகாஷ்ராஜ் நடித்திருப்பதாகவும் கூறப்படுகிறது. இந்நிலையில் இதுவரை எடுத்த பயோபிக்கள் பலவும் சரியாக ஓடாததால், இனி இளையராஜாவின் கதி என்னவோ…? என்ன நெட்டிசன்கள் விமர்சித்து வருகின்றனர்.