BREAKING: உத்தரகாண்ட் மாநில முன்னாள் முதலமைச்சர் காலமானார்.. பெரும் சோகம்…!!

உத்தரகாண்ட் மாநிலத்தின் முன்னாள் முதலமைச்சர் புவன் சந்திர கந்தூரி (91) இன்று (மே 19, 2026) காலமானார் என்ற துயரச் செய்தி அரசியல் வட்டாரத்தில் பெரும் சோகத்தை ஏற்படுத்தியுள்ளது. இந்திய ராணுவத்தில் மேஜர் ஜெனரலாகப் பணியாற்றிய பெருமைக்குரிய இவர், பின்னர் தீவிர அரசியலில் ஈடுபட்டு மறைந்த முன்னாள் பிரதமர் வாஜ்பாய் தலைமையிலான மத்திய அரசில் அமைச்சராகவும் திறம்படப் பணியாற்றினார். குறிப்பாக, இந்தியாவின் மிக முக்கிய உள்கட்டமைப்புத் திட்டமான தங்க நாற்கரச் சாலைத் திட்டத்தில் இவரது பங்களிப்பு மிகவும் குறிப்பிடத்தக்க ஒன்றாகக் கருதப்படுகிறது.

கடந்த 2007-ஆம் ஆண்டு உத்தரகாண்ட் மாநிலத்தில் பாரதிய ஜனதா கட்சி (பாஜக) ஆட்சியைக் கைப்பற்றியபோது, இவர் அம்மாநிலத்தின் முதலமைச்சராகப் (CM) பதவியேற்றுச் சிறப்பான பல மக்கள் நலத்திட்டங்களை முன்னெடுத்தார். ராணுவ ஒழுக்கத்துடன் நேர்மையான அரசியல்வாதியாகத் திகழ்ந்த புவன் சந்திர கந்தூரியின் திடீர் மறைவுக்குப் பல்வேறு அரசியல் கட்சித் தலைவர்களும், முக்கியப் பிரமுகர்களும் தங்களது ஆழ்ந்த இரங்கல்களையும் கண்ணீர் அஞ்சலியையும் செலுத்தி வருகின்றனர்.