ஒரே தாலி செண்ட்டிமெண்ட் காட்சியை இரண்டு விதமாக படமாக்கிய பாரதிராஜா & பாக்யராஜ் – ரெண்டுமே ஹிட்!

அதற்கு முன்னர் தமிழ் சினிமாவில் நிலவி வந்த க்ளிஷேக்களை உடைத்து தமிழ் சினிமாவின் போக்கை மாற்றிய ஒரு சில இயக்குனர்களில் பாரதிராஜாவும் ஒருவர். அவர் இயக்கத்தில் வெளியான 16 வயதினிலே திரைப்படம் தமிழ் சினிமாவையே புரட்டி போட்டது. தொடர்ந்து ரத்தமும் சதையுமான கிராமிய மணம் கொண்ட படங்களை கொடுத்து தமிழ் சினிமா ரசிகர்களின் இதயங்களைக் கொள்ளை கொண்டார்.

அதைத் தொடர்ந்து ரத்தமும் சதையுமான பல கிராமியக் கதைகளை படமாக்கி தமிழ் சினிமா ரசிகர்கள் நெஞ்சில் குடிபுகுந்தார். கிராமத்துக் கதையைப் படமாக்கினாலும் பாரதிராஜா புதுமையான பல விஷயங்களை தன்னுடைய படத்தில் புகுத்தியவர்.

உதாரணமாக அவர் இயக்கி பாக்யராஜ், ரத், கவுண்டமணி உள்ளிட்டவர்கள் நடித்த புதிய வார்ப்புகள் படத்தில் ஹீரோயின் ரதிக்கு ஒரு கட்டத்தில் தாலி கட்டிவிடுவார் கவுண்டமணி. தாலி கட்டிவிட்டதால் இனிமேல் அவருக்கு மனைவியாக வாழவேண்டுமா என்ற கொதித்தெழும் ரதி தாலியை அறுத்து அவர் முகத்திலேயே வீசிவிடுவார். இது அதுவரை தமிழ் சினிமா பொத்தி பாதுகாத்து வந்த தாலி செண்ட்டிமெண்ட்டை உடைக்கும் விதமாக இருக்கும்.

ஆனால் இதே தாலி செண்ட்டிமெண்ட் காட்சியை அவரின் மாணவரான பாக்யராஜ் வழக்கமான தமிழ் சினிமா க்ளிஷேக்களோடே உருவாக்கி அதையும் தன் ஸ்டைலில் வெற்றிகரமான ஒரு காட்சியாக மாற்றியிருப்பார். அந்த 7 நாட்கள் திரைப்படத்தில் ராஜேஷை வேண்டா வெறுப்பாக திருமணம் செய்துகொள்வார் அம்பிகா. ஆனால் அவருக்கு ஒரு காதல் இருப்பதை அறிந்து அவரை கொண்டு வந்து உன்னிடம் ஒப்படைக்கிறேன் என உறுதியளிப்பார் ராஜேஷ்.

அப்படி அவர் பாக்யராஜைக் கொண்டுவந்து நிறுத்தும்போது அம்பிகா அவரோடு செல்ல யோசிப்பார். பாக்யராஜும் ‘என்னுடைய காதலி உங்க மனைவி ஆகலாம். ஆனால் உங்கள் மனைவி என்னுடைய காதலி ஆகமுடியாது” என சொல்வார், ராஜேஷை சம்மதிக்கவைக்க, ஆவேசமாக அம்பிகாவின் தாலியைக் கழட்ட செல்லும் போது அவரை அறைந்துவிடுவார் அம்பிகா. இதன் மூலம் தாலியில் செண்ட்டிமெண்ட்டை மீண்டும் ஒருமுறை அழுத்தமாக சொல்லி, அந்த படத்தையே வெற்றிப் படமாக்கி இருப்பார் பாக்யராஜ்.