வாலியைக் கெட்டவார்த்தையால் திட்டிய பாலச்சந்தர்… அதற்கான காரணம் இதுதானாம்!

தமிழ் சினிமாவில் 50 ஆண்டுகளுக்கும் மேலாக தன்னுடைய பாடல் வரிகளால் கோலோச்சியவர் கவிஞர் வாலி. அவரின் ஆரம்ப காலத்தில் கண்ணதாசனோடும், 80 மற்றும் 90 களில்  வைரமுத்துவோடும். 2000களில் முத்துகுமார் உள்ளிட்ட இளம் கவிஞர்களோடும் போட்டி போட்டார். ஆனால் அவர் அனைவரிடமும் நட்பாகப் பழகினார். இதனால் அவரை ரசிகர்கள் வாலிபக் கவிஞர் என்றே அழைத்தனர்.

திரையுலகில் வாலிக்கு மிகவும் நெருக்கமான நண்பர்களில் ஒருவர் நடிகர் எம் ஜி ஆர். தன்னுடைய படங்களுக்கு முதலில் கண்ணதாசனையே தொடர்ந்து பாடல்கள் எழுத வைத்து வந்தார் எம் ஜி ஆர். ஆனால் இருவருக்கும் இடையே அரசியல் ரீதியாக ஒரு பிரிவு வந்தது. எம் ஜி ஆர் தீவிரமாக திமுகவில் இயங்கி வந்த நிலையில், கண்ணதாசன் திமுகவில் இருந்து காங்கிரஸுக்கு தாவினார்.

அதன் பின்னர் கண்ணதாசன் எம் ஜி ஆரைக் கடுமையாக விமர்சனம் செய்ய ஆரம்பித்தார். அப்போதுதான் எம் ஜி ஆர் வாலியை தன்னுடைய ஆஸ்தான கவியாக மாற்றிக் கொண்டார். அதன் பின்னர் பல நடிகர்களுக்கு எழுதிய வாலி, கடைசியாக சிவகார்த்திகேயன் வரைக்கும் பாடல்கள் எழுதியுள்ளார். வாலியைப் பொறுத்தவரை திரையுலகில் அனைவருமே அவருக்கு நண்பர்கள்தான். சக பாடல் ஆசிரியர்கள் முதற்கொண்டு அனைவருமே அவரிடம் அன்பாகப் பழகுவார்கள்.

வாலி பாடல் ஆசிரியராக மட்டும் இல்லாமல் ‘வடைமாலை’ என்ற படத்தையும் இயக்கியுள்ளார். அதுமட்டுமில்லாமல் பொய்க்கால் குதிரை, ஹேராம் மற்றும் ரயில் சினேகம்(சின்னத்திரை தொடர்) ஆகியவற்றில் நடிகராகவும் கலக்கியுள்ளார். இந்நிலையில் தன்னை நடிகராக பாலச்சந்தர் அறிமுகம் செய்தது குறித்து பேசியுள்ளார்.

அதில் “பாலச்சந்தர் என்னை பொய்க்கால் குதிரை படத்தில் நடிக்கக் கேட்டார். நான் முதலில் தயங்கினேன். அவர் என்னை வற்புறுத்தினார். அதனால் ஒரு வாரம் அவகாசம் கேட்டு அதன்பிறகு சம்மதம் சொன்னேன். அப்போது அவர் என்னைக் கெட்டவார்த்தையால் திட்டினார். நான் கேட்டு ஒரு வாரம் கழித்துதன் ஓகே சொல்வாயா எனக் கேட்டார். நான் அதற்கு “ஒரு வாரமாவது நான்தான் நடிக்க வேண்டும் என நீ உறுதியாக நினைக்கிறாயா” என சோதித்துப் பார்த்தேன் எனக் கூறினேன்.” எனப் பேசியுள்ளார்.