தமிழ்நாடு அரசே..! ஆணவக்கொலையை தடுக்க… நெல்லை உள்ளிட்ட இந்த 4 மாவட்டங்களில் உடனே இதை செய்யுங்க… பா.ரஞ்சித் கோரிக்கை…!!

நெல்லையில் தன்னுடைய சகோதரியை காதலித்த மாற்று சமூகத்தைச் சேர்ந்த இளைஞரை உதவி காவல் ஆய்வாளரின் மகன் வெட்டி கொலை செய்துவிட்டு காவல் நிலையத்திற்கு சென்று சரணடைந்த  சம்பவம் பெரும் அதிர்ச்சியை ஏற்படுத்தியது.  இந்த சம்பவத்தில் குற்றவாளியின் பெற்றோர்கள் இருவரும் எஸ்ஐ ஆக இருந்த நிலையில் சஸ்பெண்ட் செய்யப்பட்டுள்ளார்கள்.

இந்நிலையில் இந்த ஆணவப்படுகொலைக்கு பல தரப்பிலிருந்தும் கண்டனம் எழுந்து வரும் நிலையில் பா.ரஞ்சித் தமிழக அரசுக்கு ஒரு வேண்டுகோள் வைத்துள்ளார். அதாவது நெல்லை, தூத்துக்குடி,  சிவகங்கை, புதுக்கோட்டை உள்ளிட்ட மாவட்டங்களை வன்கொடுமை அதிகம் நடக்கும் பகுதிகளாக அறிவிக்க வேண்டும். அங்கு சிறப்பு காவல்நிலையங்களை அறிவிக்க வேண்டும் என்று கூறியுள்ளார்.