ஈ-ரிக்ஷாவில் ஏறிய பெண்… இருட்டு பாதையில் சென்ற டிரைவர்… அடுத்த நொடியே நடந்த பரபரப்பு சம்பவம்…!!

உத்தரப் பிரதேச மாநிலம் காஸியாபாத் பகுதியில், சனிக்கிழமை இரவு ஈ-ரிக்ஷாவில் பயணம் செய்த இளம்பெண் ஒருவரை கடத்த முயன்ற சம்பவம் பெரும் பரபரப்பை ஏற்படுத்தியுள்ளது. இந்திராபுரம் அருகே தனது வீட்டிற்குச் செல்வதற்காக ராஜு என்பவரது வாகனத்தில் ஏறிய அந்தப் பெண், ஓட்டுநர் திடீரென ஆள் நடமாட்டமில்லாத இருட்டுப் பாதைக்கு வண்டியைத் திருப்பியதைக் கண்டு அதிர்ச்சியடைந்தார். ஆபத்தை உணர்ந்த அவர் உடனடியாகச் சத்தம் போடவே, அந்த அலறல் சத்தம் கேட்டு அக்கம் பக்கத்தினர் ஓடிவந்து ரிக்ஷாவை வழிமறித்தனர்.

இதனால் ஆத்திரமடைந்த பொதுமக்கள், கடத்தல் முயற்சியில் ஈடுபட்டதாகச் சந்தேகித்து ஓட்டுநருக்குத் தர்ம அடி கொடுத்தனர். தகவலறிந்து வந்த காவல்துறை அந்த நபரை மீட்டு விசாரணைக்காக அழைத்துச் சென்றது. பாதிக்கப்பட்ட பெண் மற்றும் அவரது குடும்பத்தினர் புகார் அளிக்க முன்வராததால், அமைதிக்குக் குந்தகம் விளைவித்ததாகக் கூறி ஓட்டுநர் மீது மட்டும் நடவடிக்கை எடுக்கப்பட்டுள்ளது. இருப்பினும், அந்த நபர் எதற்காகத் திட்டமிட்டுப் பாதையை மாற்றினார் என்பது குறித்துப் போலீஸார் தீவிரமாக விசாரித்து வருகின்றனர்.