அதிவேகமாக வந்த டிப்பர் லாரி…! ஒரே நொடியில் சுக்குநூறான ஆட்டோ…. பரபரப்பு சம்பவம்…!!

சென்னை ஆர்.ஏ.புரத்தில் இருந்து கட்டிட கழிவுகளை ஏற்றிக்கொண்டு டிப்பர் லாரி ஒன்று அதிவேகமாக கிழக்கு கடற்கரை சாலை வழியாக சென்று கொண்டிருந்தது. அந்த லாரி திடீரென கட்டுப்பாட்டை இழந்து சாலையோரம் நின்று கொண்டிருந்த ஆட்டோ மீது பயங்கரமாக மோதியது. முன்னதாக இருசக்கர வாகனங்கள் சாலையை கடக்க அணிவகுத்து நின்றதை பார்த்த டிப்பர் லாரி ஓட்டுநர் வேகத்தை கட்டுப்படுத்த முயற்சி செய்தார்.

ஆனால் கட்டுப்பாட்டை இழந்த வாகனம் ஆட்டோ மீது மோதி ஏறி இறங்கியது. இந்த விபத்தில் ஆட்டோ சுக்குநூறாக நொறுங்கியது. அது மட்டும் இல்லாமல் அருகே நின்று கொண்டிருந்த ஒரு கார் மீதும் டிப்பர் லாரி மோதியது. அதிர்ஷ்டவசமாக இந்த விபத்தில் யாருக்கும் உயிர் சேதம் ஏற்படவில்லை. இந்த சம்பவம் அப்பகுதியில் பரபரப்பை ஏற்படுத்தியுள்ளது.