“யார் அந்த பெண்?” சிசிடிவி கேமராவில் வசமாக சிக்கிய ஆர்ச்சர்… ஹோட்டல் அறையில்… ஐபிஎல் 2026-ல் வெடித்த புது சர்ச்சை..!!

ஐபிஎல் 2026 தொடரில் ராஜஸ்தான் ராயல்ஸ் அணிக்காக விளையாடி வரும் இங்கிலாந்து வீரர் ஜோப்ரா ஆர்ச்சர், ஜெய்ப்பூரில் உள்ள ஒரு ஹோட்டலில் மர்மப் பெண் ஒருவருடன் செக்-இன் (Check-in) செய்யும் சிசிடிவி காட்சிகள் சமூக வலைதளங்களில் வெளியாகிப் பரபரப்பை ஏற்படுத்தியுள்ளன. அந்த வீடியோவில் ஆர்ச்சருடன் ஒரு இளம் பெண் ஹோட்டல் வரவேற்பறையில் நிற்பது போன்ற காட்சிகள் இடம்பெற்றுள்ளன. இது எப்போது எடுக்கப்பட்டது அல்லது அந்தப் பெண் யார் என்பது குறித்த தெளிவான விவரங்கள் இல்லாத நிலையில், இணையவாசிகள் இதனைத் தீவிரமாக விவாதித்து வருகின்றனர்.

 இந்த வீடியோ வைரலான போதிலும், இது குறித்து ஜோப்ரா ஆர்ச்சர் தரப்பிலிருந்தோ அல்லது ராஜஸ்தான் ராயல்ஸ் அணி நிர்வாகத்திடமிருந்தோ அதிகாரப்பூர்வ விளக்கம் எதுவும் இதுவரை அளிக்கப்படவில்லை. இது ஆர்ச்சரின் தனிப்பட்ட பயணமா அல்லது பழைய வீடியோவா என்ற சந்தேகமும் எழுந்துள்ளது. ஜோப்ரா ஆர்ச்சர் நீண்ட காலமாகக் காதலித்து வரும் துருவன்னா பட்லர் என்பவருடன் ஆர்ச்சர் இருக்கும் பழைய வீடியோக்கள் அல்லது புகைப்படங்கள் தற்போது தவறாகப் பகிரப்படலாம் என்றும் ஒரு தரப்பினர் கருத்து தெரிவித்து வருகின்றனர்.

ஒருபுறம் இத்தகைய சர்ச்சைகள் எழுந்தாலும், நடப்பு ஐபிஎல் தொடரில் ஜோப்ரா ஆர்ச்சர் மிகச்சிறந்த பார்மில் உள்ளார். இந்த சீசனில் தொடர்ச்சியாக மூன்று போட்டிகளில் ஆட்டத்தின் முதல் பந்திலேயே விக்கெட் வீழ்த்தி முகமது ஷாமியின் சாதனையைச் சமன் செய்து அவர் சாதனை படைத்துள்ளார். மைதானத்திற்கு வெளியே இத்தகைய வதந்திகள் பரவினாலும், களத்தில் அவரது அபாரமான பந்துவீச்சு ராஜஸ்தான் ராயல்ஸ் அணிக்கு மிகப்பெரிய பலமாக அமைந்துள்ளது குறிப்பிடத்தக்கது.