நீங்க பயந்து பேசாம இருக்கீங்க…! “கருணாநிதி என்ன செய்தார் தெரியுமா…? அமைச்சர் நிர்மல் குமாருக்கு அப்பாவு காட்டமான பதில்…!!

மேகதாது அணை விவகாரம் தொடர்பாக, மறைந்த முன்னாள் முதலமைச்சர் கருணாநிதியின் பங்களிப்பு குறித்து கேள்வி எழுப்பிய தமிழக அமைச்சர் நிர்மல் குமாருக்கு முன்னாள் சபாநாயகர் அப்பாவு மிகக் காரசாரமாகப் பதிலடி கொடுத்துள்ளார். காவிரி பிரச்சனையில் தமிழகத்தின் உரிமைகளைப் பெற 1990-ல் நடுவர் மன்றம் அமைத்தது கருணாநிதிதான் என்பதைச் சுட்டிக்காட்டிய அவர், மேகதாது விவகாரத்தில் மத்திய அரசும் கர்நாடக மாநிலமும் இணைந்து தமிழகத்திற்குத் துரோகம் இழைப்பதாகக் குற்றம்சாட்டினார். மேலும், மாநிலத்தில் ஆட்சியில் உள்ளவர்கள் தமிழக மக்களின் வாழ்வாதாரத்தையும் காவிரி உரிமைகளையும் முற்றிலும் மறந்துவிட்டு, மத்திய அரசுக்கும் கர்நாடகாவுக்கும் சாதகமாகச் செயல்படுகிறார்கள் என்றும் அவர் கடுமையாகச் சாடியுள்ளார்.

முன்னதாக, காவிரி விவகாரத்தில் தமிழக முதலமைச்சர் விஜய் மத்திய அரசை எதிர்க்கப் பயந்து, மாநிலத்தின் முக்கிய நதிநீர் உரிமைகளை அடகு வைத்துவிட்டார் என்றும், கர்நாடகாவில் திரைப்பட வசூல் பாதிக்கப்படும் என்ற பயத்தில் அவர் எதிர்க்கட்சிகளின் குரலைக் கேட்க மறுக்கிறார் என்றும் உதயநிதி கடுமையாக விமர்சித்திருந்தார். இதற்கு நிர்மல் குமார் அளித்த பதிலைத் தொடர்ந்து இந்த அரசியல் மோதல் தற்போது தீவிரமடைந்துள்ளது. இச்சூழ்நிலையில், மேகதாதுவில் அணை கட்ட முனையும் கர்நாடக அரசிடம் இது தொடர்பாக நேரில் பேசித் தீர்வு காண்பதற்காக முதலமைச்சர் விஜய் வரும் ஆகஸ்ட் 3-ஆம் தேதி அம்மாநிலத்திற்குப் பயணம் மேற்கொள்ளவுள்ளதாகத் தகவல்கள் வெளியாகியுள்ளன.