“ஆட்சியை விட்டுப் போங்க.. அதான் என் கனவு” – திமுக அரசை விளாசிய அண்ணாமலை…!!

தமிழக அரசு மாணவர்கள், பெண்கள் மற்றும் பொதுமக்களின் எதிர்காலக் கனவுகள் மற்றும் தேவைகளைத் தெரிந்துகொண்டு, அதற்கேற்பத் திட்டங்களைச் செயல்படுத்த ‘உங்க கனவை சொல்லுங்க’ என்ற முன்னெடுப்பைத் தொடங்கியுள்ளது. 2026 சட்டமன்றத் தேர்தலை முன்னிட்டு மக்களின் கருத்துக்களைப் பெற இந்தத் திட்டம் பயன்படுத்தப்பட்டு வருகிறது. தேர்தல் நெருங்கி வரும் வேளையில், தமிழக அரசின் ஒவ்வொரு திட்டத்தையும் பாஜக கடுமையாக விமர்சித்து வருகிறது. அந்த வகையில், அரசின் ஆக்கப்பூர்வமான முயற்சி என திமுக கூறும் இந்தத் திட்டத்தை, ஆட்சியை அகற்ற வேண்டும் என்ற தனது அரசியல் நிலைப்பாட்டை வெளிப்படுத்த அண்ணாமலை பயன்படுத்திக் கொண்டுள்ளார்.