தமிழக பாஜக முன்னாள் தலைவர் அண்ணாமலை, வரும் செப்டம்பர் மாதத்தில் ஒரு புதிய அரசியல் கட்சியை முறைப்படி பிரம்மாண்டமாகத் தொடங்கத் திட்டமிட்டுள்ளதாக அவரது ஆதரவு வட்டாரங்களிலிருந்து பரபரப்பான தகவல்கள் கசிந்துள்ளன. சமீபத்திய அரசியல் நகர்வுகள் மற்றும் தமிழக சட்டமன்றத் தேர்தல் முடிவுகளுக்குப் பின், தமிழக பாஜகவில் ஏற்பட்டுள்ள சறுக்கல்களும், உட்கட்சிப் பூசல்களும் இந்த முடிவுக்கு முக்கியக் காரணமாகப் பார்க்கப்படுகின்றன. மேலும், தமிழக அரசியல் களத்தில் ‘தமிழக வெற்றிக் கழகத்தின்’ (தவெக) அசுர வளர்ச்சி, திமுகவை விடவும் அதிமுக மற்றும் பாஜகவிற்கே பெரும் பின்னடைவை ஏற்படுத்தியுள்ளதாகக் கூறப்படுகிறது. குறிப்பாக, இளைஞர்கள் பலரும் தவெகவை நோக்கி ஈர்க்கப்படுவதால், பாஜகவிலிருந்து வெளியேறித் தனிப்பாதை அமைப்பதே சரி என்ற முடிவுக்கு அண்ணாமலை வந்துள்ளதாகத் தெரிகிறது.
இந்த அதிரடி முடிவு மற்றும் அடுத்தகட்ட அரசியல் நகர்வுகள் குறித்து ஆலோசிப்பதற்காகவே அண்ணாமலை டெல்லி சென்றுள்ளதாகக் கூறப்படுகிறது. அங்கு அவர் தேசிய பாஜக தலைவர் நிதின் நபின் மற்றும் அமைப்புப் பொதுச்செயலாளர் பி.எல். சந்தோஷ் ஆகியோரைச் சந்தித்துப் பேசியுள்ளார். இருப்பினும், மத்திய உள்துறை அமைச்சர் அமித்ஷாவைச் சந்திப்பதற்கான நேரம் இன்னும் ஒதுக்கப்படவில்லை என்றும், அவரது கோபத்திற்கு ஆளாகாமல் சுமுகமாகத் தனது அரசியல் நிலைப்பாட்டை விளக்கிவிடுவதில் அண்ணாமலை தீவிரமாக இருக்கிறார் என்றும் டெல்லி வட்டாரங்கள் தெரிவிக்கின்றன. டெல்லியிலிருந்து தமிழகம் திரும்பியதும், மாநிலம் முழுவதும் உள்ள தனது ஆதரவாளர்களை ஒருங்கிணைக்கும் பணிகளில் அவர் நேரடியாக இறங்குவார் என எதிர்பார்க்கப்படுகிறது.
முன்னதாக, ஜூன் 4-ஆம் தேதி தனது பிறந்தநாளை முன்னிட்டு அண்ணாமலை புதிய கட்சி குறித்த அறிவிப்பை வெளியிடுவார் என்று எதிர்பார்க்கப்பட்ட நிலையில், தற்போது அந்தத் திட்டம் செப்டம்பர் மாதத்திற்கு மாற்றப்பட்டுள்ளது. அவசரமாகக் கட்சியைத் தொடங்குவதை விட, அதற்கு முன்பாகத் தமிழகம் முழுவதும் உள்ள தனது ஆதரவாளர்களை ஒருங்கிணைத்து, மாவட்ட வாரியாகப் பூத் கமிட்டிகளைப் பலப்படுத்த அவர் விரும்புகிறார். மேலும், ஜூலை மற்றும் ஆகஸ்ட் மாதங்களில் வரும் ‘ஆடி மாதம்’ அரசியல் ரீதியான சுபகாரியங்களுக்கு உகந்ததாகக் கருதப்படாததால், செப்டம்பர் மாதத் தொடக்கமே கட்சியின் ஆரம்பத்திற்குச் சரியான நேரமாக இருக்கும் என்று அவரது ஆலோசனைக் குழுவினர் முடிவு செய்துள்ளனர்.
இந்த ‘செப்டம்பர் பிளான்’படி, கொங்கு மண்டலத்தின் முக்கியப் பகுதிகளான கோயம்புத்தூர் அல்லது கரூரில் ஒரு பிரம்மாண்ட மாநாட்டை நடத்தி, லட்சக்கணக்கான இளைஞர்கள் முன்னிலையில் கட்சியின் பெயர் மற்றும் கொடியை அறிமுகப்படுத்த அண்ணாமலை தரப்பு தீவிர ஏற்பாடுகளைச் செய்து வருகிறது. குறிப்பாக, கொங்கு பெல்ட்டில் உள்ள அதிமுக மற்றும் பாஜகவின் கோட்டைகளை உடைத்து, தேர்தல் முடிவுகளுக்குப் பின் அதிருப்தியில் உள்ள மாற்றுக்கட்சி இளைஞர்களைத் தன் பக்கம் இழுப்பதே அண்ணாமலையின் முக்கிய இலக்காகும். ஏற்கனவே கொங்கு பகுதியில் அவரது ஆதரவாளர்கள் ஒட்டியுள்ள “தமிழகத்தை வழிநடத்த வாருங்கள்” என்ற போஸ்டர்கள், தமிழக அரசியல் வட்டாரத்தில் தற்போதே பெரும் சலசலப்பையும் எதிர்பார்ப்பையும் ஏற்படுத்தியுள்ளன.
மத்தியப் பிரதேசத்தில் மாசடைந்த அஜ்னார் நதியைத் தொடர்ச்சியாகச் சுத்தம் செய்து வந்த பிரபல சுற்றுச்சூழல் ஆர்வலர் பிட்டு தபாஹி, நச்சுநீரால்…
கடந்த திமுக ஆட்சிக் காலத்தில் உயர்கல்வித்துறையில் நடந்தாகக் கூறப்படும் நிதி மற்றும் நிர்வாக முறைகேடுகள் குறித்து முழுமையான விசாரணை நடத்தப்படும்…
மாமல்லபுரம் அடுத்த பையனூர் ஓஎம்ஆர் சாலையில் நிகழ்ந்த கோர விபத்து அப்பகுதியில் பெரும் சோகத்தை ஏற்படுத்தியுள்ளது. வேகமாக வந்த வேனும்,…
வங்கக் கடலில் புதிய புயல் சின்னம் உருவாக வாய்ப்புள்ளதைத் தொடர்ந்து, தமிழகத்தின் பல்வேறு மாவட்டங்களுக்கு இந்திய வானிலை ஆய்வு மையம்…
மகாராஷ்டிரா மாநிலம் நாசிக் சிட்கோ பகுதியில் உள்ள ஒயின் ஷாப் ஒன்றில், பிரஷர் கன் மூலம் பாய்ந்த இரும்பு ஆணி…
தேசியவாத காங்கிரஸ் தலைவரும் மூத்த அரசியல்வாதியுமான சரத் பவாருக்கு அண்மையில் ஏற்பட்ட உடல்நலக் குறைவைத் தொடர்ந்து, அவருக்குப் பூரண ஓய்வளிக்க…