துரோகத்தின் அடையாளம்…! அந்த வார்த்தையை சொல்லக்கூட உங்களுக்கு தகுதி இல்லை முதல்வரே…. அன்புமணி கடும் தாக்கு…!!

தமிழக முதல்வர் மு.க.ஸ்டாலின் சமூகநீதிக்கு எதிரானவர் என்று பாமக தலைவர் அன்புமணி ராமதாஸ் கடுமையாக விமர்சித்துள்ளார். சாதிவாரி மக்கள்தொகை கணக்கெடுப்பு நடத்த மாநில அரசுக்கு முழு அதிகாரம் இருந்தும், அதைச் செய்யாமல் ஸ்டாலின் காலம் தாழ்த்தி வருவதாகக் குற்றம் சாட்டியுள்ளார். வன்னியர்களுக்கான உள் இட ஒதுக்கீடு குறித்து உச்சநீதிமன்றம் உத்தரவிட்டு பல ஆண்டுகள் கடந்தும், திமுக அரசு அதை அமல்படுத்தாமல் வஞ்சிப்பதாக அவர் தனது எக்ஸ் தளத்தில் பதிவிட்டுள்ளார்.

பட்டியலின மக்களுக்கான உள் இட ஒதுக்கீடு விவகாரத்தில் அண்டை மாநிலங்கள் நடவடிக்கை எடுத்து வரும் நிலையில், தமிழக அரசு மட்டும் மௌனம் காப்பது கண்டிக்கத்தக்கது என்றும் அன்புமணி தெரிவித்துள்ளார். சமூகநீதிக்குத் துரோகம் இழைத்துவிட்டு அந்தச் சொல்லை உச்சரிக்க முதல்வருக்குத் தகுதியில்லை என்றும், இதற்கு வரும் தேர்தலில் மக்கள் தகுந்த பாடம் புகட்டுவார்கள் என்றும் அவர் எச்சரித்துள்ளார்.