அன்றே கணித்தார் ஆண்டவர்.. ஆனந்த் கிருஷ்ணமூர்த்தியின் அசைக்க முடியாத சாதனை..!!

ஆனந்த் கிருஷ்ணமூர்த்தி அஞ்சலி, தளபதி, சசி லீலாவதி, உன்னைப்போல் ஒருவன் உள்ளிட்ட படங்களில் குழந்தை நட்சத்திரமாக நடித்துள்ளார். முதன்முதலாக ஆனந்த் கிருஷ்ணமூர்த்தி கமல்ஹாசனின் உன்னை போல் ஒருவன் திரைப்படத்தில் சவுண்ட் டிசைனராக தனது வேலையை ஆரம்பித்தார்.

அதன் பிறகு விஸ்வரூபம், மன்மதன் அம்பு, ஓ காதல் கண்மணி, குற்றமே தண்டனை, ஸ்பைடர், காற்று வெளியிடை, செக்க சிவந்த வானம், பொன்னியின் செல்வன், ரகு தாத்தா உள்ளிட்ட பல்வேறு படங்களில் ஆனந்த் கிருஷ்ணமூர்த்தி வேலை பார்த்துள்ளார். தற்போது தக் லைஃப் படத்திலும் இவர் தான் சவுண்ட் டிசைனராக வேலை பார்க்கிறார். இந்த நிலையில் பொன்னியின் செல்வன் படத்திற்காக சிறந்த தமிழ் திரைப்படம் உள்ளிட்ட நான்கு விருதுகள் வழங்கப்பட்டுள்ளது.

அந்த வகையில் ஒளிப்பதிவாளர் ரவிவர்மன், இசையமைப்பாளர் ஏ.ஆர் ரகுமான், சவுண்டு டிசைனர் ஆனந்த் கிருஷ்ணமூர்த்தி உள்ளிட்டோருக்கு விருதுகள் அறிவிக்கப்பட்டுள்ளது. சசி லீலாவதி படத்தில் கமல்ஹாசனின் மகனாக ஆனந்த் கிருஷ்ணமூர்த்தி நடித்தார். அவர் கமல்ஹாசனிடம் அப்பா ஸ்பேனர் கொடுங்க ஸ்க்ரூ டிரைவர் கொடுங்க என வந்து கேட்பார்.

உடனே கமல்ஹாசன் அவரை பார்த்து பெரிய இன்ஜினியராக வருவானாக்கும் என ஆனந்த் கிருஷ்ணமூர்த்தியை பார்த்து சொல்லும் படியான வசனம் அமைந்திருக்கும். தற்போது ஆனந்த் கிருஷ்ணமூர்த்தி சவுண்ட் இன்ஜினியராகவே மாறி தேசிய விருதையும் வென்றுள்ளார். இந்த நிலையில் அன்றே கணித்தார் ஆண்டவர் என கமல்ஹாசன் ரசிகர்கள் ஆனந்த் கிருஷ்ணமூர்த்தியையும் கமலையும் கொண்டாடி வருகின்றனர். அந்த வீடியோ சமூக வலைதளத்தில் வேகமாக பரவி வருகிறது.