பாக்யராஜ் கூட்டணியில் அடுத்த படத்திற்கு அஸ்திவாரம் போட்ட லோகேஷ்.. இதுவாச்சும் கல்லா கட்டுமா..?

இயக்குனர் லோகேஷ் கனகராஜ் மாநகரம், கைதி, மாஸ்டர், விக்ரம், லியோ உள்ளிட்ட சூப்பர் ஹிட் படங்களை இயக்கியுள்ளார். லோகேஷ் கனகராஜ் பைட் கிளப் படத்தின் மூலம் தயாரிப்பாளராக தனது பயணத்தை ஆரம்பித்தார்.

அந்த படத்தில் உறியடி விஜயகுமார் ஹீரோவாக நடித்தார். தற்போது லோகேஷ் ரஜினியை 171-வது படத்தை இயக்கி வருகிறார். இதற்கிடையே ஸ்ருதிஹாசன் உடன் இணைந்து இனிமேல் என்ற ஆல்பம் பாடலிலும் லோகேஷ் நடித்துள்ளார்.

இந்த நிலையில் தமிழ் புத்தாண்டை முன்னிட்டு லோகேஷ் தயாரிக்கும் இரண்டாவது பணம் குறித்த அப்டேட் வெளியாகியுள்ளது. ரெமோ, சுல்தான் போன்ற படங்களை இயக்கிய பாக்கியராஜ் கண்ணன் இயக்கும் அந்த படத்திற்கு பென்ஸ் என பெயர் வைக்கப்பட்டுள்ளது.

அந்த படத்தில் ஹீரோவாக ராகவா லாரன்ஸ் நடிக்கிறார். பென்ஸ் படத்தை லோகேஷ் கனகராஜ் தான் தயாரிக்க உள்ளார். அந்த போஸ்டர் சமூக வலைதளத்தில் வைரலாகி வருகிறது.