ச்ச… இதை யாருமே எதிர்பார்க்கல…! திருமணதிற்கு நண்பர்கள் கொடுத்த ‘ஏஐ’ பரிசு… மேடையிலேயே உடைந்த மணமகள்… நெட்டிசன்களை உலுக்கிய வைரல் வீடியோ…!!

கஜகஸ்தானில் நடைபெற்ற ஒரு திருமண விழாவில், மணமகனின் நண்பர்கள் செயற்கை நுண்ணறிவு தொழில்நுட்பத்தைப் பயன்படுத்தித் தயாரித்து வழங்கிய ஒரு விசித்திரமான திருமணப் பரிசு சமூக வலைதளங்களில் பெரும் வரவேற்பைப் பெற்றுள்ளது. வழக்கமாக வழங்கப்படும் விலைமதிப்பற்ற பரிசுகள் மற்றும் பணத்திற்கு மாறாக, மணமக்களின் காதலைக் கலைநயத்துடன் சித்தரிக்கும் ஒரு குறும்படத்தை நண்பர்கள் AI உதவியுடன் உருவாக்கி திரையிட்டு அனைவரையும் வியப்பில் ஆழ்த்தினர்.

இந்த AI அனிமேஷன் வீடியோவில், மணமக்களின் காதல் பல நூற்றாண்டுகளுக்கு முந்தையது போலக் காலத்தைக் கடந்து செல்லும் பாணியில் சித்தரிக்கப்பட்டிருந்தது. பண்டைய போர்முனையில் வீரர்களாகப் போராடுவது, கவுபாய் தோற்றத்தில் தோன்றுவது எனப் பல்வேறு காலகட்டங்களில் அவர்கள் மீண்டும் மீண்டும் சந்திப்பது போலக் காட்சிப்படுத்தப்பட்டிருந்தது. இறுதியாக, அவர்கள் நிஜ வாழ்க்கையில் முதன்முதலில் எவ்வாறு சந்தித்தார்கள் என்ற மெய்யான சம்பவத்துடன் இந்த கற்பனைக் கதை நிறைவடைந்தது.

திருமண மண்டபத்தில் பெரிய திரையில் இந்த வீடியோ ஒளிபரப்பப்பட்டதும், அதைக் கண்ட மணமகள் மிகுந்த ஆச்சரியமும் நெகிழ்ச்சியும் அடைந்து கண்ணீர் விட்டார். இதுவே தனது வாழ்க்கையில் கிடைத்த மிகச் சிறந்த திருமணப் பரிசு எனக் கூறிய அவரது உணர்ச்சிப்பூர்வமான வீடியோ இணையத்தில் வைரலாகி வருகிறது. AI தொழில்நுட்பத்தைப் பயன்படுத்தி இதுபோன்ற மறக்க முடியாத நினைவுகளை உருவாக்கிக் கொடுத்த மணமகனின் நண்பர்களின் படைப்பாற்றலை நெட்டிசன்கள் வெகுவாகப் பாராட்டி வருகின்றனர்.