CM விஜய்யுடன் மேடையில் அமமுக MLA…. தவெகவில் ரகசிய இணைப்பு…. கலக்கத்தில் டிடிவி தினகரன்…. தமிழக அரசியலில் அதிரடி திருப்பம்….!

தமிழக அரசியல் களத்தில் முன்னணி சக்தியாக உருவெடுத்து வரும் தமிழக வெற்றிக் கழகத்தின் விஜய், தாராபுரத்தில் நடத்திய பிரச்சாரப் பொதுக்கூட்டம் அரசியல் ரீதியாகப் பெரும் விவாதத்தைக் கிளப்பியுள்ளது. இந்த நிகழ்வில் அம்மா மக்கள் முன்னேற்றக் கழகத்தின் சட்டமன்ற உறுப்பினர் காமராஜ் நேரில் கலந்து கொண்டு விஜயுடன் இருக்கும் புகைப்படம் சமூக வலைத்தளங்களில் வேகமாகப் பரவி வருகிறது. ஏற்கனவே தவெகவுக்குத் தனது ஆதரவை பகிரங்கமாகத் தெரிவித்திருந்த எம்.எல்.ஏ காமராஜ், தற்போது இக்கூட்டத்தில் பங்கேற்றதன் மூலம் அவர் அதிகாரப்பூர்வமாக தவெகவில் இணைந்துவிட்டாரா என்ற கேள்வியை அரசியல் விமர்சகர்கள் எழுப்பி வருகின்றனர்.

ஒருவேளை காமராஜ் தவெகவில் இணைந்தாலும், கட்சித் தாவல் தடைச் சட்டத்தின் விதிமுறைகளின்படி அவர் சட்டப்பேரவை ஏடுகளில் அமமுகவின் எம்.எல்.ஏ-வாகவே தொடர்ந்து நீடிப்பார். இருப்பினும், சட்டமன்ற வாக்கெடுப்புகள், முக்கிய மசோதாக்கள் மற்றும் அரசு சார்ந்த செயல்பாடுகளில் தவெகவின் குரலாகவும் அதன் நிலைப்பாட்டிற்கு ஆதரவாகவும் அவரால் செயல்பட முடியும். தேர்தல் நெருங்கும் வேளையில், பிற கட்சிப் பிரமுகர்கள் மற்றும் சட்டமன்ற உறுப்பினர்களின் இத்தகைய நகர்வுகள் தவெகவின் அரசியல் செல்வாக்கை சட்டமன்றத்திற்குள்ளும் எதிரொலிக்க வைப்பதோடு, வரவிருக்கும் தேர்தலில் புதிய அரசியல் கூட்டணிகளுக்கான விதையாகவும் பார்க்கப்படுகிறது.