அம்மா கணக்கு திரைப்படத்தில் நடிகை அமலா பாலுக்கு மகளாக நடித்திருந்த நடிகையின் லேட்டஸ்ட் புகைப்படம் இணையத்தில் வெளியாகி வைரலாகி வருகின்றது.
சினிமாவில் சிறு வயது கதாபாத்திரத்தில் நடிக்கும் குழந்தைகள் சில வருடங்கள் கழித்து மலமளவென வளர்ந்து ஆளை அடையாளம் தெரியாத அளவிற்கு மாறிவிடுகிறார்கள். அவர்களை பார்க்கும் போது அந்த படத்தில் நடித்த சிறு குழந்தையா இது? என்று நாமே ஆச்சரியப்படும் அளவிற்கு இருக்கிறார்கள். எடுத்துக்காட்டாக பல குழந்தைகளை கூறலாம்.
தெய்வத்திருமகள் படத்தில் நடித்திருந்த சாரா தற்போது பெரிய பெண்ணாக வளர்ந்து பொன்னியின் செல்வன் திரைப்படத்தில் கதாநாயகியாக நடித்திருப்பார். மேலும் அஜித்தின் என்னை அறிந்தால் திரைப்படத்தில் நடித்திருந்த அனிகா தற்போது தெலுங்கு மற்றும் மலையாள திரைப்படங்களில் கதாநாயகியாக நடித்து வருகின்றார். இப்படி ஏகப்பட்ட சிறுவயது நடிகைகளை கூறிக்கொண்டே போகலாம்.
அப்படி ஒரு நடிகை பற்றி தான் இதில் நாம் பார்க்க போகிறோம் தமிழ் சினிமாவில் கடந்த 2016 ஆம் ஆண்டு வெளியான அப்பா என்ற திரைப்படத்தில் நடித்து குழந்தை நட்சத்திரமாக அறிமுகமானவர் யுவஸ்ரீ லட்சுமி. அந்த திரைப்படத்தில் மிகச் சிறப்பாக நடித்திருப்பார். அதைத் தொடர்ந்து அமலா பாலுடன் அம்மா கணக்கு என்ற திரைப்படத்தில் அவருக்கு மகளாக நடித்திருப்பார்.
குழந்தை நட்சத்திரமாக தன்னுடைய சிறப்பான நடிப்பால் நல்ல வரவேற்பை பெற்ற இவர் குறுகிய காலத்திலேயே மிகப் பிரபலமானார், இதை தொடர்ந்து இவருக்கு தமிழ் சினிமாவில் ஒரு சில திரைப்படங்களில் சிறு வயது கதாபாத்திரத்தில் நடிப்பதற்கு வாய்ப்பு கிடைத்தது. அதன்படி ராகவா லாரன்ஸ் உடன் காஞ்சனா 3 திரைப்படத்திலும் நடித்திருந்தார்.
தொடர்ந்து நடிப்பு மீது மிகுந்த ஆர்வம் இருந்தாலும் படிப்பிலும் கவனம் செலுத்த வேண்டும் என்பதற்காக சினிமாவிலிருந்து விலகி தற்போது படித்துக் கொண்டிருக்கின்றார். இருப்பினும் சமூக வலைதள பக்கங்களில் ஆக்டிவாக இருக்கக்கூடிய இவர் அவ்வப்போது தன்னுடைய புகைப்படங்களை வெளியிடுவார். அந்த வகையில் அவரின் லேட்டஸ்ட் புகைப்படத்தை பார்த்து ரசிகர்கள் பலரும் அம்மா கணக்கு படத்தில் நடித்த நடிகையா? இது என்று ஆச்சரியத்துடன் கேட்டு வருகிறார்கள்.