ஐயோ கடவுளே… 2 மணி நேரம் பள்ளத்தில் சிக்கிய ஆம்புலன்ஸ்… தாயின் வயிற்றிலேயே பரிதாபமாகத்… துடிதுடித்துப் பலியான பிஞ்சு உயிர்… நெஞ்சை பதறவைக்கும் சோகம்…!

ஆக்ரா மாவட்டம் பாஹ் தாலுகாவிற்குட்பட்ட கத்பார் கிராமத்தைச் சேர்ந்த பிரவேந்திர சிங்கின் மனைவி நிதியென்ற 25 வயது கர்ப்பிணிப் பெண்ணுக்கு கடந்த செப்டம்பர் 3-ஆம் தேதி அதிகாலை பிரசவ வலி ஏற்பட்டது. உடனடியாகக் குடும்பத்தினர் அவசர ஆம்புலன்ஸை வரவழைத்தனர். ஆனால், கிராமத்தின் இணைப்பில் உள்ள முக்கியச் சாலையில் இருந்த ஒரு மிகப்பெரிய பள்ளத்தில் ஆம்புலன்ஸ் வாகனம் சிக்கி முற்றிலும் நகர முடியாமல் போனது. கிராம மக்கள் டிராக்டர் மூலம் சுமார் இரண்டு மணி நேரம் போராடி ஆம்புலன்ஸை மீட்டெடுத்து, அதிகாலை 3:30 மணிக்குச் சுகாதார மையத்திற்குச் சென்றடைந்தனர். இருப்பினும், மருத்துவமனைக்குச் செல்ல ஏற்பட்ட தாமதத்தினால் வயிற்றிலேயே குழந்தை உயிரிழந்ததாக மருத்துவர்கள் தெரிவித்தனர்.

இந்த சோகத்திற்கு அதிகாரிகளின் அலட்சியமே முக்கியக் காரணமாகக் கூறப்படுகிறது. பொதுப்பணித் துறையால் ஆறு மாதங்களுக்கு முன்பு சீரமைக்கப்பட்ட இந்தச் சாலை, ஒரு மாதத்திற்கு முன்பு பெய்த கனமழையால் அடித்துச் செல்லப்பட்டு அபாயகரமாக மாறியுள்ளது. இது குறித்து கிராம மக்கள் பலமுறை பொதுப்பணித்துறை இளநிலைப் பொறியாளரிடம் முறையிட்டும் எந்த நடவடிக்கையும் எடுக்கப்படவில்லை. இதனால் ஆத்திரமடைந்த கிராம மக்கள், வட்டாட்சியர் அலுவலகத்தில் நடைபெற்ற ‘சம்பூர்ண சமாதான் திவாஸ்’ முகாமில் தங்களின் புகார்களை அளித்து, உடனடியாகச் சிமெண்ட் சாலை அமைக்கவும் இந்தச் சம்பவத்திற்குப் பொறுப்பேற்கவும் வலியுறுத்தினர்.

https://twitter.com/HateDetectors/status/2096950362259493046/video/1

இந்த விவகாரம் குறித்துப் பேசிய பாஹ் துணை ஆட்சியர் வினோத் குமார், மழையினால் மண் அரிப்பு ஏற்பட்டுச் சாலை சேதமடைந்துள்ளது குறித்துத் தங்களுக்கு மனு வந்துள்ளதாக ஒப்புக்கொண்டார். அங்கிருந்த பொதுப்பணித்துறை அதிகாரிகளிடம் நிலைமை விளக்கப்பட்டுள்ளதாகவும், விரைவில் சாலைப் பணிகள் நிறைவடையும் என்றும் அவர் தெரிவித்தார். மேலும், இச்சம்பவம் குறித்துத் விசாரணை நடத்தப்பட்டு வருவதாகவும் அவர் கூறினார். இருப்பினும், அதிகாரிகளின் அலட்சியத்தால் நிகழ்ந்த இந்தச் சோகத்திற்கு அரசின் பின்னேற்பு விசாரணைகளும் வாக்குறுதிகளும் எந்த ஆறுதலையும் தரவில்லை என அக்கிராம மக்கள் வேதனையுடன் தெரிவிக்கின்றனர்.