திமுகவா? அதிமுகவா?… ராமதாஸ் போடப்போகும் ‘மெகா’ பிளான்…. அதிரும் தமிழக அரசியல்….!

தமிழக அரசியலில் தேர்தல் களம் சூடுபிடிக்கத் தொடங்கியுள்ள நிலையில், பாட்டாளி மக்கள் கட்சியின் நிறுவனரான டாக்டர் ராமதாஸ், வரும் சட்டமன்றத் தேர்தலில் தங்களது கட்சியின் கூட்டணி குறித்து மிக விரைவில் அதிகாரப்பூர்வமாக அறிவிக்கப்படும் என்று தெரிவித்துள்ளார். கட்சியின் கொள்கைகளுக்கும், தமிழகத்தின் வளர்ச்சிக்கும் முக்கியத்துவம் அளிக்கும் வகையிலான வலுவான கூட்டணியை அமைப்பதில் பா.ம.க உறுதியாக இருப்பதாக அவர் குறிப்பிட்டுள்ளார். நேற்று தைலாபுரத்தில் பொங்கல் விழாவை கொண்டாடிய ராமதாஸ், G.K.மணி, உள்ளிட்டோருடன் கூட்டணி குறித்து ஆலோசித்து இருக்கிறார். இதன்பின் அவர் பேசுகையில், கூட்டணி குறித்து பேசிக் கொண்டிருக்கிறோம்; யாருடன் கூட்டணி என்பது குறித்து விரைவில் அறிவிப்பு வெளியிடப்படும் என்று தெரிவித்துள்ளார். NDA கூட்டணியில் ராமதாஸ் தரப்பை இணைப்பதற்கு, பாஜக, அதிமுக தலைவர்கள் தொடர்ந்து பேச்சுவார்த்தை நடத்துவதாக கூறப்படுகிறது.

ஏற்கனவே பல்வேறு தரப்பினருடன் முதற்கட்ட ஆலோசனைகள் நிறைவடைந்துள்ள நிலையில், தொண்டர்களின் விருப்பத்தையும் கட்சியின் எதிர்காலத்தையும் கருத்தில் கொண்டு இந்த முடிவு எடுக்கப்பட உள்ளதாகத் தெரிகிறது. இந்த அறிவிப்பு தமிழக அரசியல் வட்டாரத்தில் பெரும் எதிர்பார்ப்பை ஏற்படுத்தியுள்ளது. குறிப்பாக, வடதமிழகத்தில் கணிசமான வாக்கு வங்கியை வைத்துள்ள பா.ம.க எந்தப் பக்கம் சாயும் என்பதைப் பொறுத்தே பல தொகுதிகளின் வெற்றி வாய்ப்பு அமையும் என்பதால், பிரதான திராவிடக் கட்சிகள் இந்தப் போக்கை உன்னிப்பாகக் கவனித்து வருகின்றன. இட ஒதுக்கீடு மற்றும் சமூக நீதி சார்ந்த கோரிக்கைகளை முன்னிறுத்தி வரும் பா.ம.க, இந்த முறை யாருடன் கைகோர்க்கப் போகிறது என்பது இன்னும் சில நாட்களில் தெளிவாகிவிடும் என எதிர்பார்க்கப்படுகிறது.