புலிக்குப் பிறந்தது பூனையாகுமா?.. ஓட்டப்பந்தயத்தில் முதல் பரிசை வென்ற அஜித் மகன் ஆத்விக்.. ஷாலினி பகிர்ந்த வீடியோ..!

தமிழ் சினிமாவில் தனக்கென தனி ரசிகர்கள் கூட்டத்தையே உருவாக்கி வைத்திருப்பவர் தான் நடிகர் அஜித். இவருடைய நடிப்பில் பொங்கலுக்கு ரிலீசாகும் என அறிவிக்கப்பட்ட விடா முயற்சி திரைப்படம் கடைசி நேரத்தில் ரிலீஸ் ஆகாமல் போனது. இந்த தகவல் அஜித்தின் விடாமுயற்சி திரைப்படத்தை பார்க்க ஆவலோடு காத்திருந்த ஒட்டுமொத்த ரசிகர்களையும் அதிர்ச்சியில் ஆழ்த்தியது. இதனைத் தொடர்ந்து அஜித்தின் விடாமுயற்சி திரைப்படத்தின் டிரைலர் சமீபத்தில் வெளியாகி ரசிகர்கள் மத்தியில் நல்ல வரவேற்பை பெற்றது. மேலும் படம் மீதான ஆர்வத்தையும் தூண்டி உள்ளது. அஜித் முந்தைய படங்களை விட இந்த படத்தில் அதிகப்படியான ஆக்ஷன் காட்சிகளில் நடித்து மிரள வைத்திருந்தார்.

அதே அளவில் எமோஷனலான காட்சிகளும் இந்த திரைப்படத்தில் இடம் பெற்று இருந்தன. இயக்குனர் மகிழ்திருமேனி இயக்கத்தில் ஹாலிவுட் படமான பிரேக் டவுன் திரைப்படத்தின் தமிழ் ரீமேக் ஆக எடுக்கப்பட்டுள்ள இந்த திரைப்படத்தை லைகா நிறுவனத்தின் சார்பாக சுபாஷ்கரன் அல்லி ராஜா தயாரித்துள்ளார். சுமார் 250 கோடி முதல் 300 கோடி வரையிலான பட்ஜெட்டில் எடுக்கப்பட்டுள்ள இந்த திரைப்படத்தில் அஜித்துக்கு ஜோடியாக நடிகை திரிஷா நடித்துள்ளார். 2023 ஆம் ஆண்டு வெளியான துணிவு திரைப்படத்தின் ரிலீஸுக்கு பிறகு இந்த திரைப்படம் பிப்ரவரி மாதம் ரிலீஸ் ஆக உள்ளதாக அறிவிக்கப்பட்டுள்ளது.

அதனைப் போலவே அஜித் நடித்து முடித்துள்ள மற்றொரு படமான குட் பேட் அக்லி திரைப்படமும் வருகின்ற ஏப்ரல் மாதம் வெளியாக உள்ளது. இந்தப் படத்தை ஆதிக் ரவிச்சந்திரன் இயக்கியுள்ள நிலையில் நடிகை திரிஷா தான் இந்த படத்திலும் அஜித்துக்கு ஜோடியாக நடித்துள்ளார். இப்படியான நிலையில் அஜித் தற்போது தீவிரமாக கார் ரேஸில் கவனம் செலுத்தி வருகிறார். துபாயில் நடந்து முடிந்த 2025 ரூபாய் 24 ஹார்ஸ் கார் ரேஸில் கலந்து கொண்டு மூன்றாவது இடத்தை பிடித்தார். இதனைத் தொடர்ந்து உலகம் முழுவதிலும் இருந்து அஜித்துக்கு வாழ்த்துக்கள் குவிந்தது.

இப்படி அப்பா ஒரு பக்கம் கார் ரேஸில் கலக்கி கொண்டிருக்கும் நிலையில் இப்போது மகனும் கலக்கியுள்ளார். ஏற்கனவே அஜித் மற்றும் ஷாலினி தம்பதியின் மகன் ஆத்விக் கால்பந்தில் கலக்கி கொண்டிருக்கும் நிலையில் தற்போது ஓட்டப்பந்தயத்தில் ஓடி முதல் பரிசை வென்றுள்ளார். அது தொடர்பான வீடியோவை ஷாலினி இணையத்தில் பகிர்ந்து உள்ள நிலையில் ரசிகர்கள் தொடர்ந்து வாழ்த்து தெரிவித்து வருவது மட்டுமல்லாமல் புலிக்கு பிறந்தது பூனையாகுமா? என கமெண்ட்களை பறக்க விட்டு வருகிறார்கள்.