திருப்பதி கோவிலில் சாமி தரிசனம்… வீடியோ எடுப்பதை பார்த்து வெட்கப்பட்ட ஐஸ்வர்யா ராஜேஷ்.. வைரல்..!!

பிரபல நடிகையான ஐஸ்வர்யா ராஜேஷ் தமிழ் மட்டுமில்லாமல் தெலுங்கு, மலையாளம் உள்ளிட்ட மொழி திரைப்படங்களிலும் நடித்து வருகிறார். சன் டிவியில் ஒளிபரப்பான அசத்துப் போவது யாரு நிகழ்ச்சியின் மூலம் தொகுப்பாளராக திரைத்துறையில் தனது பயணத்தை ஆரம்பித்தார்.

அதன் பிறகு கலைஞர் டிவியில் ஒளிபரப்பான மானாட மயிலாட நிகழ்ச்சியில் ஐஸ்வர்யா ராஜேஷ் கலந்து கொண்டார். மேலும் அதில் வெற்றி பெற்றார். கடந்த 2010-ஆம் ஆண்டு ரிலீஸ் ஆன நீ தானா அவன் என்ற படத்தில் நடித்தார். அதன்பிறகு கடந்த 2012-ஆம் ஆண்டு ரிலீஸ் ஆன அட்டகத்தி திரைப்படம் ஐஸ்வர்யா ராஜேஷுக்கு புகழைத் தேடித் தந்தது. பின்னர் டாடி என்றால் ஹிந்தி திரைப்படத்தில் நடித்தார்.

கடந்த 2014-ஆம் ஆண்டு ரிலீசான காக்கா முட்டை திரைப்படத்திற்காக ஐஸ்வர்யா ராஜேஷுக்கு சிறந்த நடிகைக்கான தமிழக அரசின் திரைப்பட விருது வழங்கப்பட்டது. இவர் முன்னணி நடிகர்களான விஜய் சேதுபதி, சிவகார்த்திகேயன் ஆகியோருடன் இணைந்து நடித்துள்ளார். அட்டகத்தி, ரம்மி, திருடன் போலீஸ், பண்ணையாரும் பத்மினியும், காக்கா முட்டை, தர்மதுரை, வடசென்னை உள்ளிட்ட படங்களில் ஐஸ்வர்யா ராஜேஷ் நடித்துள்ளார்.

சோசியல் மீடியாவில் ஆக்டிவாக இருக்கும் ஐஸ்வர்யாவது போட்டோ சூட் நடத்தி புகைப்படங்களை வெளியிடுவார். இந்த நிலையில் ஐஸ்வர்யா தனது குடும்பத்துடன் திருப்பதி கோவிலுக்கு சென்று சாமி தரிசனம் செய்துள்ளார். அங்கு பத்திரிகையாளர்கள் எடுத்த வீடியோ சமூக வலைதளத்தில் வேகமாக பரவி வருகிறது. சுற்றி சுற்றி வீடியோ எடுப்பதை பார்த்ததும் வெட்கத்தில் ஐஸ்வர்யா சிரிக்கிறார். அந்த வீடியோவுக்கு ரசிகர்கள் லைக்ஸ்களை அள்ளிக் குவிக்கின்றனர்.