ரகசிய சந்திப்பு..! ‘லீக்கான போட்டோ” தவெகவில் இணையும் அதிமுக EX அமைச்சர்..? வெளியான பரபரப்புத் தகவல்கள்…!!

அதிமுகவில் இருந்து விலகிய முன்னாள் அமைச்சர்கள் சிலர், நடிகர் விஜய் தலைமையிலான தமிழக வெற்றிக் கழகத்தில்  இணையவுள்ளதாகக் கூறப்படும் தகவல்கள், தமிழக அரசியல் வட்டாரத்தில் சலசலப்பை ஏற்படுத்தியுள்ளன. முன்னாள் பள்ளிக் கல்வித்துறை அமைச்சரும், அதிமுகவின் மூத்த நிர்வாகியுமானகே.ஏ.செங்கோட்டையன், அதிமுக முன்னாள் அமைச்சர்கள் சிலரை தவெகவில் இணைப்பது குறித்துப் பேச்சுவார்த்தை நடத்தி வருவதாக நம்பத்தகுந்த வட்டாரங்கள் தெரிவிக்கின்றன. இணைய உள்ளவர்களின் பெயர்கள் சஸ்பென்ஸாகவே உள்ள நிலையில், இந்தக் கட்சித் தாவல் குறித்த எதிர்பார்ப்புகள் அதிகரித்துள்ளன.

இந்நிலையில், அதிமுக முன்னாள் அமைச்சரான மாஃபா பாண்டியராஜனும், தவெகவின் முக்கிய நிர்வாகிகளில் ஒருவரான என். ஆனந்த் என்ற ராஜ்மோகனும் சந்தித்த புகைப்படம் வெளியாகி, இந்த யூகங்களுக்கு மேலும் வலு சேர்த்துள்ளது. அதிமுகவில் தற்போது தீவிர அரசியல் நடவடிக்கைகளில் ஈடுபடாமல் ‘சைலண்ட் மோடில்’ இருக்கும் பாண்டியராஜன், தவெகவில் இணைய உள்ளாரா? என்ற கேள்வி எழுந்துள்ளது. இந்த சந்திப்பு மரியாதை நிமித்தமானதுதானா அல்லது அரசியல் ரீதியான பேச்சுவார்த்தையா என்பது குறித்த தெளிவான தகவல் வெளியாகவில்லை. அதிமுகவில் நடக்கும் உட்கட்சிப் பூசல்கள் காரணமாக, அதிருப்தியில் உள்ள மேலும் சில முன்னாள் அமைச்சர்களும், முக்கிய நிர்வாகிகளும் விரைவில் தவெகவில் இணைய வாய்ப்புள்ளதாக அரசியல் நோக்கர்கள் கருதுகின்றனர்.