“சண்டைக்காரன் காலில் விழுந்த ஸ்டாலின்?”… எடப்பாடி எடுத்த அந்த ஒரு முடிவு… விஜய்யை வீழ்த்த இப்படி ஒரு திட்டமா?…. கசிந்த திடுக்கிடும் தகவல்…!

தமிழக சட்டமன்றத் தேர்தல் முடிவுகள், அரை நூற்றாண்டு கால அரசியலை தலைகீழாக மாற்றியுள்ளன. கட்சி தொடங்கிய இரண்டே ஆண்டுகளில் 108 இடங்களை வென்று விஜய் சாதனை படைத்திருந்தாலும், ஆட்சியமைக்கத் தேவையான 118 இடங்களை எட்ட முடியாமல் தவித்து வருகிறார். மறுபுறம், ‘திராவிட மாடல் 2.0’ என்ற முழக்கத்துடன் தேர்தலைச் சந்தித்த முதலமைச்சர் ஸ்டாலினுக்கு, அவரது சொந்தத் தொகுதியிலேயே ஏற்பட்ட தோல்வி பேரிடியாக அமைந்துள்ளது. திமுக வரலாற்றிலேயே அக்கட்சியின் தலைவரும், பொதுச்செயலாளரும் ஒரே நேரத்தில் தோல்வியைத் தழுவியது இதுவே முதல்முறை. இதனால், எதிர்க்கட்சித் தலைவர் பதவியைக் கூட அலங்கரிக்க முடியாத நிலைக்கு திமுக தள்ளப்பட்டுள்ளது.

அதிமுகவைப் பொறுத்தவரை, எடப்பாடி பழனிசாமி தனது தொகுதியில் வெற்றி பெற்றாலும், அக்கட்சியால் ஆட்சி அதிகாரத்தையோ அல்லது வலுவான எதிர்க்கட்சி அந்தஸ்தையோ பெற முடியவில்லை. 108 இடங்களை வென்ற தவெக-விற்கு காங்கிரஸ் தனது ஆதரவை வழங்கிய போதிலும், மொத்த பலம் 112-ஆகவே உள்ளது. இன்னும் 6 எம்.எல்.ஏ-க்களின் ஆதரவு இல்லாததால், நேரு ஸ்டேடியத்தில் பதவியேற்பு விழாவுக்கான ஏற்பாடுகள் ஒருபுறம் நடந்தாலும், “முழு பட்டியலைத் தந்தால் மட்டுமே அழைப்பு விடுப்பேன்” என ஆளுநர் திட்டவட்டமாகக் கூறிவிட்டார். இந்த இழுபறி நிலை தவெக தொண்டர்களிடையே பெரும் கவலையை ஏற்படுத்தியுள்ளது.

இந்த இக்கட்டான சூழலில், “சாட்சிக்காரன் காலில் விழுவதை விட, சண்டைக்காரன் காலில் விழலாம்” என்ற பழமொழிக்கு ஏற்ப, பரம எதிரிகளான திமுகவும் அதிமுகவும் கைகோர்க்கப் போவதாக வெளியாகும் தகவல் தமிழகத்தையே அதிரவைத்துள்ளது. விஜய்யின் எழுச்சியைத் தடுக்க, பாஜக-வின் மத்தியஸ்தத்துடன் இரு திராவிடக் கட்சிகளும் இணைந்து ஆட்சி அமைக்கவோ அல்லது வெளியில் இருந்து ஆதரவு அளிக்கவோ வியூகம் வகுப்பதாகக் கூறப்படுகிறது. ஆளுநரின் தாமதத்திற்குப் பின்னால் இத்தகைய அரசியல் கிளைமேக்ஸ் இருக்குமோ என்ற சந்தேகம் வலுவாக எழுந்துள்ளது.

மக்களின் பேராதரவைப் பெற்று தனிப்பெரும் கட்சியாக உருவெடுத்த விஜய்யை முடக்க, திராவிடக் கட்சிகள் தங்களது பல தசாப்த காலப் பகையை மறந்து ஒன்று சேருமா என்பதுதான் தற்போதைய மில்லியன் டாலர் கேள்வி. ஒருவேளை இத்தகைய வரலாற்றுச் சிறப்புமிக்க (அல்லது விசித்திரமான) கூட்டணி உருவானால், அது தமிழக அரசியலில் இதுவரை கண்டிராத ஒரு புதிய அதியாயத்தைத் தொடங்கும். மக்களின் தீர்ப்புக்கு மாறாக அமையப்போகும் இந்த அரசியல் சதுரங்க வேட்டையில், இறுதி வெற்றி யாருக்கு என்பதைப் பொறுத்திருந்துதான் பார்க்க வேண்டும்.