BREAKING: விஜய் பதவியேற்பு விழாவிற்கு வருகை தந்துள்ளார் நடிகை திரிஷா… அதிரும் அரசியல் களம்..!!

தமிழக வெற்றிக் கழகத்தின் (தவெக) தலைவர் விஜய், தமிழக முதலமைச்சராகப் பதவியேற்கும் வரலாற்றுச் சிறப்புமிக்க நிகழ்வு சென்னை நேரு உள்விளையாட்டு அரங்கில் இன்று கோலாகலமாக நடைபெற்று வருகிறது. 2026 சட்டமன்றத் தேர்தலில் 118 இடங்களைக் கைப்பற்றி தனிப்பெரும் மெஜாரிட்டியுடன் ஆட்சியைப் பிடித்துள்ள தவெக-வின் இந்த பதவியேற்பு விழா, தமிழக அரசியலில் ஒரு புதிய யுகத்தின் தொடக்கமாகப் பார்க்கப்படுகிறது. இந்த விழாவில் பங்கேற்பதற்காகத் தேசிய அளவிலான தலைவர்கள் மற்றும் திரைத்துறை பிரபலங்கள் வருகை தந்த வண்ணம் உள்ளனர்.

இந்த முக்கிய நிகழ்வில் கலந்துகொள்வதற்காக முன்னணி நடிகை திரிஷா நேரு ஸ்டேடியத்திற்கு வருகை தந்துள்ளார். முன்னதாக, தேர்தல் வெற்றியைத் தொடர்ந்து விஜய்யின் இல்லத்திற்குச் சென்று தனது வாழ்த்துகளைத் தெரிவித்திருந்த திரிஷா, இன்று காலை தனது இல்லத்திலிருந்து கிளம்பும் போது, “இது தமிழகத்திற்கு ஒரு மிகப்பெரிய நாள்” என்று உற்சாகத்துடன் ஊடகங்களிடம் தெரிவித்தார். இவருடன் திரைத்துறையைச் சேர்ந்த பல்வேறு நட்சத்திரங்களும் இந்த வரலாற்றுத் தருணத்தைக் காணத் திரண்டுள்ளனர்.

விஜய்யின் தந்தை எஸ்.ஏ.சந்திரசேகர், தாய் ஷோபா மற்றும் குடும்பத்தினர் விழாவிற்கு ஏற்கனவே வருகை தந்துள்ளனர். காங்கிரஸ் மூத்த தலைவர் ராகுல் காந்தி உள்ளிட்ட கூட்டணிக் கட்சித் தலைவர்களும் விழாவில் பங்கேற்றுள்ளனர். “தளபதி” என்று ரசிகர்களால் அன்போடு அழைக்கப்படும் விஜய், முதலமைச்சராகப் பொறுப்பேற்பதைக் காண மாநிலம் முழுவதிலும் இருந்து பல்லாயிரக்கணக்கான தொண்டர்கள் சென்னை நேரு ஸ்டேடியத்தில் குவிந்துள்ளதால் அந்தப் பகுதியே விழாக்கோலம் பூண்டுள்ளது.