கொட்டுக்காளி படத்துல அந்த ஷேர் ஆட்டோவில் நானும் இருந்தேன்.. நடிகை சஞ்சனா நடராஜன் ஓபன் டாக்..!

தமிழ் சினிமாவில் கடந்த 2014 ஆம் ஆண்டு நெருங்கி வா முத்தமிடாதே என்ற திரைப்படத்தின் மூலம் நடிகையாக அறிமுகமானவர்தான் சஞ்சனா நடராஜன். இறுதிச்சுற்று திரைப்படத்தில் ரித்திகா சிங் உடன் பாக்சிங் மாணவியாக நடித்திருந்தார். அதன் பிறகு ஹிந்தி மற்றும் தெலுங்கு வெர்ஷனில் வெளியான இந்த படத்திலும் இவர்தான் நடித்திருந்தார். 2018 ஆம் ஆண்டு வெளியான விஜய் தேவரகொண்டாவின் நோட்டா திரைப்படத்தில் இவர் அரசியல்வாதியாக நடித்திருந்தார். சூப்பர் ஸ்டார் ரஜினியின் 2.0, கேம் ஓவர், ஜகமே தந்திரம் ஜிகர்தண்டா டபுள் எக்ஸ் உள்ளிட்ட பல திரைப்படங்களில் இவர் தனக்கு கிடைத்த வாய்ப்புகளை சரியாக பயன்படுத்திக் கொண்டு நடித்துள்ளார்.

சார் பட்டா பரம்பரை திரைப்படத்தில் லட்சுமி என்ற கதாபாத்திரத்தில் நடித்த இவர் மலையாளத்தில் டியர் ஃப்ரெண்ட் என்ற திரைப்படத்தில் நடித்தார். இறுதியாக எஸ் ஜே சூர்யாவுக்கு ஜோடியாக ஜிகர்தண்டா டபுள் எக்ஸ் திரைப்படத்தில் நடித்திருந்தார். இதனைத் தொடர்ந்து குரு சோமசுந்தரம் நடிப்பில் வெளியான பாட்டில் ராதா திரைப்படத்தில் தனது அற்புதமான நடிப்பை இவர் வெளிப்படுத்தியுள்ளார். இந்த திரைப்படம் சமீபத்தில் வெளியான நிலையில் ரசிகர்கள் மத்தியில் நல்ல வரவேற்பை பெற்றது.  இப்படியான நிலையில் சஞ்சனா நடராஜன் சமீபத்தில் அளித்த பேட்டியில், நான் ஒரு படத்தை பார்க்க ஆரம்பித்து விட்டால் அந்த படம் முடியும் வரை அந்த இடத்தில் இருந்து எழுந்திருக்க மாட்டேன்.

முழுக்க முழுக்க அந்த கதைக்குள் நானும் சென்று விடுவேன். ஃப்ரீயா இருக்க டைம்ல ஒரு நாள் முழுவதும் ஒரே இடத்தில் அமர்ந்து கூட படம் பார்ப்பேன். அதிலும் சீரிஸ் பார்க்கும்போது அது முழுவதும் முடியும் வரை இரண்டு நாட்கள் கூட தொடர்ந்து அப்படியே பார்த்துக் கொண்டிருப்பேன். கொட்டுக்காளி திரைப்படத்தை பார்க்கும் போது கூட நான் அந்த படத்திற்குள் அப்படியே சென்று விட்டேன். என்னையே மறந்து தான் அந்த படத்தை நான் பார்த்துக் கொண்டிருந்தேன்.

படம் முடித்துவிட்டு வெளியில் வந்த பிறகு தான் நான் சொன்னேன் அந்த ஷேர் ஆட்டோவில் நானும் அமர்ந்து கொண்டு அருகிலேயே படத்தை பார்த்துக் கொண்டிருந்தது போல பீலிங் எனக்கு இருந்தது என கூறினேன். சினிமாவுல நடிக்க வந்துட்டாலே ஒரு படத்தை பார்க்கும் போது அதில் இருக்கும் நிறை குறைகள் அனைத்தும் நம்முடைய கண்ணுக்கு தெரிந்து விடும் என்று சஞ்சனா நடராஜன் பேசியுள்ளார்.